លោក Antonio Conte ដែលជាអ្នកចាត់ការក្រុម Tottenham ត្រូវបានគេរាយការណ៍ ថា បានសន្យាដល់កីឡាករនៅក្នុងក្រុមក្នុងការឲ្យពួកគេសម្រាកពីការហ្វឹកហាត់បន្ថែមនៅសប្តាហ៍ក្រោយប្រសិនបើក្រុមអាចយកឈ្នះ Chelsea។

លោក Conte នឹងត្រូវដឹកនាំកូនក្រុមប្រកួតទល់នឹង Chelsea នៃក្របខណ្ឌ Premier League ប្រចាំសប្តាហ៍ទី២៣ នៅថ្ងៃអាទិត្យនេះ ខណៈ ក្រុមទើបតែរង់បរាជ័យក្រោមថ្វីជើងក្រុមតោខៀវ ទាំងពីរជើងនៃពានរង្វាន់ EFL Cup។

បើយោងទៅតាមរបាយការណ៍នៃកាចុះផ្សាយរបស់កាសែត Football.London បានលើកឡើងថា លោក Conte បានប្រាប់កូនក្រុមថាពួកគេអាចទទួលបានថ្ងៃសម្រាកបន្ថែមប្រសិនបើពួកគេទទួលបានលទ្ធផលវិជ្ជមាននៅឯកីឡដ្ឋាន Stamford Bridge ព្រោះលោកយល់ឃើញថា កូនក្រុមធ្វើការធ្ងន់ច្រើនមួយរយៈចុងក្រោយនេះ ហើយ លោកសង្ឃឹមថា ពួកគេនឹងធ្វើបានល្អបន្តទៀតក្នុងការប្រកួតទល់នឹង Chelsea៕

ប្រភព៖ Metro

លោក Fabrizio Romano ដែលជាអ្នកសារព័ត៌មានកីឡាដ៏ល្បីល្បាញ ជឿជាក់ថា កីឡាករ Bruno Fernandes នឹងបន្តកុងត្រាថ្មីជាមួយ Manchester United។

កិច្ចសន្យារបស់ Bruno ជាមួយនឹង Man Utd គ្រោងនឹងអស់សុពលភាពនៅក្នុងឆ្នាំ២០២៥ឯណោះ ដែលជាហេតុធ្វើឲ្យរូបគេមិនប្រញ៉ាប់ប្រញាល់ក្នុងការបន្តកុងត្រាថ្មី ប៉ុន្តែ កត្តាចម្បង ដែលចាំបាច់រូបគេត្រូវតែពិភាក្សាលើកុងត្រាថ្មីនោះ គឺប្រាក់ឈ្នួល ដែលបច្ចុប្បន្នរូបគេអាចទទួលបានប្រាក់ចំនួន ១០មុឺនផោនក្នុងមួយសប្តាហ៍។

លោក Fabrizio បាននិយាយថា៖

«Bruno នឹងចុះកិច្ចសន្យាថ្មី ប៉ុន្តែ វានឹងចំណាយពេលខ្លះ។ ពួក គេ បាន ធ្វើ ការ លើ បញ្ហា នេះ តាំង ពី ខែ កក្កដាមកម្លេះ ប៉ុន្តែ វាយឺតយ៉ាវបន្តិចពីព្រោះកាលពីទីផ្សារដោះដូរកីឡាកររដូវក្តៅកន្លងទៅ ពួកគេបានចុះហត្ថលេខានាំយក Raphael Varane, Cristiano Ronaldo និង Jadon Sancho មករួមក្រុម។ Bruno ចង់នៅបន្តជាមួយ Man Utd ហើយ គាត់សប្បាយចិត្តក្នុងការលេងនៅទីនេះ។ Man Utd ដឹង ថា ពួក គេ ត្រូវ តែធ្វើ វា ដូច្នេះ ពួក គេ បាន ចរចា ជា យូរ មក ហើយ។ ខ្ញុំ ប្រាកដ ថា ឆ្នាំ នេះ ពួក គេ នឹង ដោះ ស្រាយ បញ្ហា នេះ ហើយ ខ្ញុំជឿជាក់ថា Bruno នឹងចុះហត្ថលេខា»៕

ប្រភព៖ Sportskeeda

លោក Paul Merson ដែលជាអតីតកីឡាករជម្រើសជាតិអង់គ្លេស បានសរសើរកីឡាករ Trent Alexander-Arnold សម្រាប់ទម្រង់លេងរបស់គេទល់នឹង Arsenal ក្នុងការប្រកួត Carabao Cup កាលពីរាត្រីថ្ងៃព្រហស្បតិ៍នេះ។

Arnold បានដើរតួនាទីយ៉ាងសំខាន់ក្នុងជ័យជម្នះ ២ទល់នឹង០ របស់ Liverpool លើក្រុម Arsenal បន្ទាប់ពីរូបគេបានរួមចំណែកបញ្ជូនបាល់ពីរគ្រាប់ទៅដល់កីឡាករ Diogo Jota ដើម្បីជួយក្រុមកក់កៅអីឡើងទៅកាន់វគ្គផ្តាច់ព្រ័ត្រនៃពានរង្វាន់ EFL Cup។

លោក Paul Merson បាននិយាយថា៖

«Arnold ពិតជាអស្ចារ្យណាស់។ អ្នកខ្លះនិយាយថា គាត់មិនចេះការពារឡើយ ប៉ុន្តេ អ្នកចាំបាច់ត្រូវការការពារធ្វើអ្វីបើអ្នកឡើងទៅជួយតំបន់ប្រយុទ្ធនោះ។ ការបញ្ជូនបាល់របស់គាត់ប្រៀបបានដូចជា David Beckham ចឹង។ ប្រសិនបើអ្នកគ្រាន់តែក្រឡេកមើលជើងរបស់គេ ហើយគ្មានអ្វីផ្សេងទៀតទេ អ្នកប្រហែលជាគិតថា គេគឺជា Beckham»៕

ប្រភព៖ Dailymail

ខ្សែប្រយុទ្ធ Luka Jovic របស់ Real Madrid បានលើកឡើងថា រូបគេមានមហិច្ឆតាចង់ឈានដល់កម្រិតរបស់មិត្តរួមក្រុម Karim Benzema នៅថ្ងៃណាមួយ។

Jovic បានចូលរួមជាមួយ Real Madrid នៅក្នុងឆ្នាំ២០១៩ ប៉ុន្តែ ដោយសារមិនសូវបានបង្ហាញខ្លួននៅលើទីលាន រូបគេក៏ត្រូវបានក្លិបដាក់ឲ្យខ្ចីជើងទៅកាន់ Eintracht Frankfurt វិញនៅក្នុងរដូវកាលមុន ហើយ រដូវកាលនេះគេក៏បានត្រឡប់មកកាន់កីឡដ្ឋាន Santiago Bernabeu វិញ។

Jovic បាននិយាយថា៖

«Benzema បានចូលរួមជាមួយ Real Madrid នៅអាយុ 21 ឆ្នាំ។ ខ្ញុំក៏ធ្វើបានដែរ។ គាត់ជាខ្សែប្រយុទ្ធល្អបំផុតក្នុងពិភពលោកនាពេលបច្ចុប្បន្ន។ ខ្ញុំសប្បាយចិត្តដែលខ្ញុំបានហ្វឹកហាត់ជាមួយគាត់ និងរៀនពីគាត់។ នៅពេលដែលខ្ញុំមកដល់ទីនេះដំបូង ក្លិបបានប្រាប់ខ្ញុំថា Benzema បាននៅក្លិបអស់រយៈពេល ១០ ឆ្នាំមកហើយ។ គេសួរ ខ្ញុំ ថា ចង់ ធ្វើ ដូច គាត់ អត់ហើយ ចម្លើយ គឺ ចង់។ ខ្ញុំ សង្ឃឹម ថា ថ្ងៃ ណាមួយ ខ្ញុំ អាច ឈាន ដល់ កម្រិត លេងរបស់គាត់»៕

ប្រភព៖ Just Football

ខ្សែបម្រើការពារ Fred បានទម្លាយឲ្យដឹងថា កីឡាករ Edinson Cavani បាននិយាយប្រាប់គេ ថា ខ្លួននឹងមិនចាកចេញពី Manchester United ឡើយ។

នាពេលថ្មីៗនេះ កីឡាករសញ្ជាតិអ៊ុយរ៉ាហ្កាយខាងលើ តែងតែត្រូវបានគេចុះផ្សាយថា មិនសប្បាយចិត្តក្នុងការលេងជាមួយ Man Utd ឡើយ ដោយសាររូបគេមិនសូវទទួលបាននាទីបង្ហាញខ្លួននៅលើទីលាន ខណៈ ពាក្យចចាមអារ៉ាមបានបន្តទៀតថា រូបគេចង់ផ្លាស់ទៅលេងនៅ Barcelona ឬ Corinthians ក្នុងទីផ្សារដោះដូរកីឡាករខែមករានេះ។

យ៉ាងណាក្តី Fred បាននិយាយថា៖«ថ្ងៃ មុន ខ្ញុំ បាននិយាយ លេង ជាមួយ Cavani ដោយ និយាយ ថា ខ្ញុំ បាន ព័ត៍មានពីគាត់ទៅកាន់ Corinthians។ ខ្ញុំនិយាយលេងជាមួយគាត់ ហើយ គាត់បានប្រាប់ខ្ញុំថា គាត់នៅមានកិច្ចសន្យាដើម្បីបំពេញ»៕

រាជធានីភ្នំពេញ​៖ មហាជនមួយចំនួនបានស្គាល់រួចមកហើយ អំពី​ទីលាន​បាល់​ទាត់​ដោន​ថោន​ស្ព័ត​ (Down Town Sport) ដែលមានទីតាំងចាស់ នៅផ្លូវដួងងៀប២ ​ស្ថិត​ក្នុង​សង្កាត់​ទឹក​ថ្លា​ ខណ្ឌ​សែន​សុខ​ ត្រូវបានសាងសង់ឡើងអស់រយៈពេលជាច្រើនឆ្នាំ ដែលទទួលបានការគាំទ្រយ៉ាងខ្លាំងពីសំណាក់អ្នកស្រលាញ់វិស័យកីឡាបាល់ទាត់ ហើយរឹតតែពិសេសនោះ ទីលាន​បាល់​ទាត់​ដោន​ថោន​ស្ព័ត​ (Down Town Sport) តែងតែមានពានរង្វាន់សម្រាប់ប្រកួតរបស់មហាជនផងដែរ។

កាលពីថ្មីៗនេះ បន្ទាប់ពីផុតកិច្ចសន្យាជួលទីតាំង ទីលាន​បាល់​ទាត់​ដោន​ថោន​ស្ព័តចាស់​ (Down Town Sport) ។ លោក ហ៊ល សុភ័ក្រ ដែល​ជា​នាយក​គ្រប់​គ្រង​ទីលាន​បាល់​ទាត់​ ក៏បានបង្ហើបពីគម្រោងសាងសង់ទីលានថ្មី មកកាន់គេហទំព័រ B8-Sport.com ផងដែរ។ ខាងក្រោមនេះ ជាសំណួរ-ចម្លើយរវាងអ្នករាយការណ៍ព័ត៌មានរបស់យើងជាមួយលោក ហ៊ល សុភ័ក្រ៖

១- តើទីតាំងទីលាន​បាល់​ទាត់​ដោន​ថោន​ស្ព័តថ្មី ស្ថិតនៅម្តុំណា និងសាងសង់លើទំហំផ្ទៃដីប៉ុន្មាន?

លោក សុភ័ក្រ៖ «បាទ! សម្រាប់គម្រោងសាងសង់ទីលាន​បាល់​ទាត់​ដោន​ថោន​ស្ព័តថ្មី មានទីតាំងនៅក្បែរវត្តអង្គតាមិញតែម្តង ហើយត្រូវបានសាងសង់លើផ្ទៃដី ៣ហិចតា ចំពោះទីលាន ដែលលេងបានចំនួន ៧នាក់សងខាង មាន ២០ទីលាន (ប្រភេទស្មៅសិប្បនិមិត្មទាំងអស់)»។

២- តើគម្រោងទីលាននេះ បានចាប់ផ្តើមសាងសង់ពីពេណា ហើគ្រោងនឹងបញ្ចប់ការសាងសង់រួចរាល់នៅពេលណាដែរ?

លោក សុភ័ក្រ៖ «សម្រាប់គម្រោងទីលានរបស់យើង បានចាប់ផ្តើមសាងសង់កាលពីខែធ្នូ ឆ្នាំ២០២១ និងគ្រោងបញ្ចប់ការសាងសង់រួច ប្រហែលជាបំណាច់ខែមិនា ខាងមុខនេះ»។

៣- តើទីលានចំនួនទាំង ២០នោះ មានលក្ខណៈបែបណាខ្លះ សម្រាប់បម្រើអតិថិជន?

លោក សុភ័ក្រ៖ «សម្រាប់ទីលានទាំង២០ យើងមានការបែងចែកជា ៣ប្រភេទ ទី១ តារាងអត់ដំបូលមានចំនួន៦ទីលាន (លេង៧ស្មើ) ទី២ ទីលានមានដំបូលចំនួន ៣ទីលាន ចំណែកឯទី៣ ទីលានមានដំបូលសំណាញ់មានចំនួន ១១ទីលាន»។

ក្រៅពីទីលានបាល់ទាត់នេះ លោក ហ៊ល សុភ័ក្រ ក៏មានហាងម៉ាស្សា ស្ទីម និងសូណា ផងដែរ ដើម្បីបម្រើជូនភ្ញៀវទាំងអស់គ្នា។ ហាងរបស់លោកមានឈ្មោះថា ដោន​ថោនម៉ាស្សា ស្ទីម និងសូណា (​DOWN TOWN STEAM SAUNA & MASSAGE) មានលក្ខណៈពិសេសដូចជា៖

សមាគមកីឡាបាល់ទាត់កោះកុង ចាប់ផ្តើមបើកការដ្ឋានសារសង់ទីលានហ្វឹកហាត់របស់ខ្លួនហើយនៅ​ថ្ងៃ​នេះ ខណៈដែល​ក្លិប​កំពុង​មមាញឹកត្រៀម​រៀបចំ​ខ្លួន​សម្រាប់​ការ​ប្រកួតប្រជេង​ក្នុង Cambodian League IIដែល​ខិត​ជិត​មក​ដល់​ទៅ​ហើយ​នោះ។

ទីលានហ្វឹកហាត់នេះមានទីតាំងនៅក្នុងមន្ទីរអប់រំ យុវជន កីឡា ខេត្តកោះកុង ខណៈដែលគម្រោងសាងសង់នេះ គ្រោងនឹងបញ្ចប់នៅចុងខែមេសា ឆ្នាំ២០២២។ នៅ​ខេត្តកោះកុងមាន​កីឡដ្ឋានបាល់​ទាត់​មួយចំនួន​ដែល​អាច​យក​ទៅ​ប្រកួតបាន​គឺ​ទីលានសាលាវិទ្យាល័យកោះកុង និងទីលានមន្ទីរអប់រំ យុវជន កីឡា ខេត្តកោះកុងនេះ​តែ​ម្ដង៕