ប្រព័ន្ធផ្សព្វផ្សាយវៀតណាមបានរិះគន់កីឡាករឆ្នើមមួយរូបរបស់ប្រទេសគឺ ង្វៀន ក្វាងហៃ ដែលពួកគេចាត់ទុកថា ក្វាងហៃ ធ្វើមិនបានល្អក្នុងការប្រកួតពានរង្វាន់ AFF Mitsubishi Electric Cup លើកនេះ។

យោងតាមការ​សរសេររបស់ Main Stand International ប្រព័ន្ធផ្សព្វផ្សាយវៀតណាមបានចាត់ទុក Quang Hai ថាមិនមានការចូលរួមចំណែកក្នុងក្រុមជម្រើសជាតិបាន​ច្រើនទេ បើទោះបីជាគាត់មានឋានៈជាកីឡាករដែលលេងនៅអឺរ៉ុបក៏ដោយ។

ពួកគេសរសេរថា៖ «បើនិយាយពីទេពកោសល្យក្នុងតំបន់អាស៊ីអាគ្នេយ៍ ង្វៀន ក្វាងហៃ ប្រហែលជាស្ថិតនៅលំដាប់ទីពីរបន្ទាប់ពី Chanathip Songkrasin បន្ទាប់ពីអ្វីដែលកីឡាករបានបង្ហាញក្នុងរយៈពេល 5 ឆ្នាំចុងក្រោយនេះ ក្រោមការដឹកនាំរបស់ Park Hang-seo» ។

«អ្នកគាំទ្រក៏សង្ឃឹមដែរថា ជាមួយនឹងបទពិសោធន៍របស់កីឡាករដែលលេងនៅអឺរ៉ុប Quang Hai និងមិត្តភក្តិអាចជួយវៀតណាមឈ្នះពានរង្វាន់ AFF Cup ម្តងទៀត»។

ដកស្រង់ពីរបាយការណ៍របស់ Vietnam Net បាន​សរសេរថា៖ «ជាមួយនឹងការវាយតម្លៃដ៏ត្រឹមត្រូវមួយ សម្រាប់រយៈពេល 400 នាទីនៃសកម្មភាពក្នុង AFF Cup ការសម្តែងរបស់គាត់គឺតិចជាងការរំពឹងទុក។ បញ្ហាដែលគាត់ប្រឈមមុខគឺថា ចាប់តាំងពីលេងនៅអឺរ៉ុបមក Quang Hai បរាជ័យក្នុងការប៉ះសេបាល់សាមញ្ញៗ និងសម្របខ្លួនទៅនឹងមុខតំណែងថ្មី ដែលបណ្តាលឱ្យគាត់ងាយនឹងធ្វើខុស»។

ថ្មីៗនេះ Quang Hai បានក្លាយជាកីឡាករវៀតណាមដំបូងគេដែលស៊ុតបញ្ចូលទីនៅលីគបារាំងកាលពីខែតុលាឆ្នាំមុន។ គាត់ដែលលេងជាមួយ Pau FC ត្រូវបានប្ដូរចេញនៅនាទីទី 78 ដើម្បីជំនួសខ្សែប្រយុទ្ធសំខាន់ Pape Ibnou Ba នៅពេលដែលក្រុមតាមពីក្រោយ 1-2 ទល់នឹង Rodez AF ដោយសារគ្រាប់បាល់របស់ Andy Pembele (នាទី 50) និង Nasim Ouammou (នាទី 67) ។

Quang Hai បានចូលរួមជាមួយ Pau ពីក្លឹប Hanoi FC ក្នុងកិច្ចសន្យារយៈពេលពីរឆ្នាំ ជាមួយនឹងជម្រើសក្នុងការបន្តរយៈពេលមួយឆ្នាំទៀត។

លោក Pep Guardiola បានពន្យល់នៅក្នុងសន្និសីទសារព័ត៌មានក្រោយការប្រកួតរបស់គាត់ថា៖ «ខ្ញុំចង់ឱ្យក្រុមរបស់ខ្ញុំលេងគ្រប់ការប្រកួតតាមរបៀបដែលយើងលេងនៅថ្ងៃនេះ(ម្សិលមិញ)។

«នេះគឺជាអ្វីដែលខ្ញុំចង់បាន។ បន្ទាប់ពីមួយរយៈទៀត យើងមិនអាចឈ្នះគ្រប់ពេលនោះទេ Manchester City មិនអាចយកឈ្នះពួកគេ [Manchester United] បានទេ។ ពួកគេល្អណាស់”។

គ្រូបង្វឹកសញ្ជាតិអេស្ប៉ាញរូបនេះបានបន្ថែមថា៖ «ពេលនេះ United បានត្រលប់មកវិញហើយ បន្ទាប់ពីអស់ជាច្រើនឆ្នាំ នោះជាការពិត។ អ្នកចង់ឈ្នះ ប៉ុន្តែសម្រាប់របៀបដែលយើងលេង អ្នកត្រូវតែខកចិត្ត»។

ទោះបីជា Jack Grealish បានបើកការស៊ុតបញ្ចូលទីសម្រាប់ Man City ក៏ដោយ ក៏ខ្សែការពាររបស់ United បានស្ថិតក្នុងទម្រង់លេងដល់កំពូលនៃការប្រកួតបន្ទាប់​ពីបិទ Erling Haaland នៅស្ងៀមគ្មាន​បាល់លេង។

គ្រាប់បាល់ចុងម៉ោងរបស់ Bruno Fernandes និង Marcus Rashford គឺគ្រប់គ្រាន់សម្រាប់ក្រុមបិសាចក្រហម Man Utd ផ្តួលអ្នកជិតខាងរបស់ពួកគេនៅ Old Trafford ។ ឥឡូវនេះ បិសាចក្រហម នៅសល់តែ១ពិន្ទុប៉ុណ្ណោះ តាមពីក្រោយ Man City ក្នុងតារាង Premier League។

ប្រភព៖ talkSPORT

Akanji បានប្រាប់ BBC ថា៖«និយាយដោយស្មោះត្រង់សម្រាប់ខ្ញុំ គ្រាប់បាល់ដំបូងគឺជារឿងកំប្លែង ដែលវាអាចអនុញ្ញាតឱ្យ​កើតឡើងដូចនេះ»។

“ខ្ញុំឃើញ Rashford គាត់ច្បាស់ណាស់ពិតជា offside ដូច្នេះខ្ញុំបណ្ដោយឱ្យគាត់លេង offside ហើយគាត់រត់ទម្រង់​ទីតាម​បាល់ ហើយ​ពេល​ទៅ​ដល់មុខ Eddy( Ederson)គាត់​បម្រុង​និង​ទាត់​ទោ​ហើយ ប៉ុន្តែបន្ទាប់មកគាត់ឈប់ព្រោះ Bruno បាន​ប្រាប់គាត់​ថា(​កុំទាត់ ឬុឱ្យខ្ញុំវិញ) ព្រោះជំហរ Bruno មិន offside »។

«ខ្ញុំយល់ថាគាត់មិនប៉ះបាល់ទេ ប៉ុន្តែគាត់រត់បានចម្ងាយ 30 ម៉ែត្រ គាត់កំពុងដេញបាល់ វាពិតជា offside» ។

“លើសពីនេះ អាជ្ញាកណ្តាលមិនបានមើកទេ សូម្បីតែមើលស្ថានភាពពេល​នោះ។ កាលពីដើមឆ្នាំខ្ញ។ស្ដាប់​ការ​ពន្យល់ ហើយគិតថាវាជា offside យ៉ាងច្បាស់។ នៅទីបញ្ចប់វាមិនមែនជា offside ទៅវិញ” ។

United បានយកឈ្នះ City 2-1 ក្នុង Premier League កាលពីថ្ងៃអាទិត្យ ដោយសារគ្រាប់បាល់ស៊ុតបញ្ចូលទីពី Bruno Fernandes និង Marcus Rashford។ ទោះជាយ៉ាងណាក៏ដោយ គ្រាប់​បាល់របស់ Fernandes នៅតែជាប្រធានបទសំខាន់លើការទាមទារoffside ។

ប្រភព៖ Metro

លោក Pengiran Matusin Pengiran Matasan ប្រធាន FA នៃប្រទេសប្រ៊ុយណេដារូសាឡឹម (FABD) បានរំលឹកឡើងវិញនូវបំណងប្រាថ្នារបស់គាត់សម្រាប់ក្លឹបដែលកំពុងលេងក្នុងក្របខ័ណ្ឌ Brunei Super League (BSL) ឱ្យក្លិបនានាបន្ត​ការ​ខិតខំមានកន្លែងហ្វឹកហាត់ផ្ទាល់ខ្លួន។

លោក Pengiran Matusin បាននិយាយនៅក្នុងកិច្ចប្រជុំគណៈកម្មាធិការអចិន្ត្រៃយ៍របស់ FABD ថា៖ “ក្លឹប​ត្រូវ​តែ​កំណត់​កន្លែង​ហ្វឹក​ហាត់​ផ្ទាល់​ខ្លួន​របស់​ពួក​គេ​ និង​បើក​ចំណាប់​អារម្មណ៍​របស់​ពួក​គេក្នុងនាមជា​ម្ចាស់»។

«ក្លឹបមិនគួរពឹងផ្អែកទាំងស្រុងលើដីរបស់ FABD និងគម្រោង 1 Club  1 Training Ground នឹងមានប្រយោជន៍ខ្លាំងណាស់សម្រាប់ការអភិវឌ្ឍន៍ក្លឹបក្នុងរយៈពេលយូរ»។

កិច្ចប្រជុំនេះត្រូវបានធ្វើឡើងនៅក្នុងបន្ទប់មហោស្រព FABD House ជាមួយនឹងរបៀបវារៈសំខាន់ដើម្បីឆ្លងកាត់ច្បាប់ និងបទប្បញ្ញត្តិនៃការប្រកួតប្រជែងសម្រាប់រដូវកាលឆ្នាំ 2023 នៃ BSL ។

កិច្ចប្រជុំនេះ ក៏មានការចូលរួមពីប្រធាន FABD អនុប្រធាន អគ្គលេខាធិការ សមាជិកគណៈកម្មាធិការប្រតិបត្តិ លេខាធិការដ្ឋាន ព្រមទាំងប្រធានសមាគមគ្រូបង្វឹកបាល់ទាត់ប្រ៊ុយណេដារូសាឡាម និងសមាគមអាជ្ញាកណ្តាលបាល់ទាត់ប្រ៊ុយណេដារូសាឡឹមផងដែរ។

ប៉ុន្មានថ្ងៃមុននេះ លោក Pep Guardiola អ្នកចាត់ការទូទៅរបស់ Man City បានបង្ហើបថាគាត់មាន “គំនិតគួរឱ្យអស់សំណើច” មុនការប្រកួត Manchester Derby ។

ឥឡូវនេះ Erik ten Hag ត្រូវបានអ្នក​សារព័ត៏មានសួរនៅក្នុងសន្និសីទសារព័ត៌មានមួយថា តើគាត់បានរៀបចំសម្រាប់ការភ្ញាក់ផ្អើលនៃយុទ្ធសាស្ត្រប្រកួតជាមួយគូប្រជែង​របស់​គាត់​ហើយ​ឬនៅ? គ្រូបង្វឹករបស់ Man United បានឆ្លើយតបដូចដែលដកស្រង់ដោយ ESPN ថា៖ «ខ្ញុំមិនខ្វល់អំពីរឿងនោះទេ អ្វីដែលគាត់កំពុងគិត»។

«គាត់​បាន​ធ្វើ​វា(និយាយ)​កាន់​តែ​ញឹកញាប់ ហើយ​យើង​បាន​ត្រៀម​ខ្លួន​សម្រាប់​រឿង​នោះ ប្រសិន​បើ​គាត់​ធ្វើ​អ្វី​ខុស​គ្នា។ យើង​មាន​គោលការណ៍​របស់​យើង ច្បាប់​បាល់ទាត់​របស់​យើង»។

លោក Ten Hag បានបន្ថែមថា«ប្រសិនបើអ្នកចង់ឈ្នះពានរង្វាន់ អ្នកត្រូវតែប្រកួតប្រជែងជាមួយនឹងអ្វីដែលល្អបំផុត ហើយ City គឺល្អបំផុត ដូច្នេះយើងទន្ទឹងរង់ចាំការប្រកួតប្រជែងពួកគេ»។

«យើង​មាន​កីឡាករ​ល្អៗ ប៉ុន្តែ​ខ្ញុំ​ជឿជាក់​ថា​កីឡាករ​របស់​យើង​មាន​សមត្ថភាព​គ្រប់គ្រាន់​ដើម្បី​ប្រកួតប្រជែង​ជាមួយ​កីឡាករ​ទាំងអស់​ពី Manchester City» ។

Man United មាន​ត្រឹម​តែ​៤​ពិន្ទុ​តាម​ពី​ក្រោយ Man City ក្រោយ​ពី​ការ​ប្រកួត​ Premier League ១៧​ប្រកួត។ ដូច្នេះ ប្រសិនបើពួកគេឈ្នះនៅ Old Trafford ថ្ងៃនេះ ពួកគេអាចស្ថិតក្នុងចម្ងាយដ៏គួរឱ្យភ្ញាក់ផ្អើលនៃគូប្រជែងរបស់ខ្លួន(១ពិន្ទុ) ទោះបីជាក្រុម Arsenal នឹងក្លាយជាក្រុមដែលទទួលបានអត្ថប្រយោជន៍ច្រើនបំផុតពីការ​ចាញ់របស់ Man City ក៏ដោយ។

ប្រភព៖ ESPN

លោក Jurgen Klopp បាននិយាយនៅក្នុងសន្និសីទសារព័ត៌មានមុនការប្រកួត Brighton ថា៖ «យើង​មាន​អារម្មណ៍​វិជ្ជមាន​ខ្លាំង​នៅ​ចុង​រដូវ​កាល​មុន យើង​អាច​ឈ្នះ​បាន​គ្រប់​យ៉ាង ប៉ុន្តែ​យើង​មិន​បាន​សម្រេច។ យើងមានបញ្ហា ហើយយើងត្រូវដោះស្រាយជាមួយពួកគេ។

«យើង​មិន​ស្ថិត​នៅ​បាត​តារាង​នោះ​ទេ ប៉ុន្តែ​នៅ​ពេល​អ្នក​នៅ​ Liverpool ហើយ​ចម្ងាយ​ទៅ​កាន់​កន្លែង​ប្រកួត Champions League កាន់​តែ​ធំ វា​មាន​អារម្មណ៍​ថា​យើង​នៅ​បាត​តារាង។ អរគុណព្រះដែលយើងមិនមែននៅបាតតារាងពិតទេ»។

«យើងត្រូវតែបន្តប្រយុទ្ធ – Brighton, Wolves, Chelsea – នោះគឺជាស្ថានភាព។ ខ្ញុំ​មិន​ខ្វល់​ពី​អ្វី​ដែល​យើង​បាន​ធ្វើ​កាល​ពី​មុន​បន្តិច​ទេ ប៉ុន្តែ​គិត​អំពី​អ្វី​គ្រប់​យ៉ាង​ដែល​យើង​បាន​ធ្វើ​ជាមួយ​គ្នា – ឥឡូវ​នេះ​វា​ពិបាក​ណាស់ ខ្ញុំ​សុំទោស​ចំពោះ​រឿង​នោះ»។

«យើងតែងតែស្វែងរកផ្លូវត្រឡប់មកវិញនៅពេលដែលយើងនៅជាមួយគ្នា – នោះមិនមែនជាបញ្ហាផ្ទៃក្នុងទេ ខ្ញុំមិនមានការសង្ស័យចំពោះអ្នកគាំទ្ររបស់យើងទេ ប៉ុន្តែពាក្យដែលខ្ញុំកំពុងនិយាយនៅពេលនេះ គឺមិនសមហេតុផលដូចដែលយើងមិនឈ្នះការប្រកួតនោះទេ។ យើងកំពុងព្យាយាមដោះស្រាយបញ្ហារបស់យើងជាមួយនឹងដំណោះស្រាយ។ ខ្ញុំ​សន្យា​។»

Liverpool បច្ចុប្បន្ន​កំពុង​ឈរ​នៅ​លេខ​រៀង​ទី​៧​ក្នុង​តារាង​លីគ​ដោយ​មាន​២៨​ពិន្ទុ​ប៉ុណ្ណោះ​ក្រោយ​លេង​១៧​ប្រកួត។ Man United ចំណាត់ថ្នាក់លេខ 4 ថ្មីៗនេះបានពង្រីកគម្លាតនៅលើក្រុម Liverpool ហើយបច្ចុប្បន្នកំពុងនាំមុខក្រុមហង្សក្រហមចំនួន 7 ពិន្ទុ។

ប្រភព៖ Anfield Watch @ Twitter