(English) ប្រេស៊ីលទទួលបានកៅអី សម្រាប់ការប្រកួតបាល់ទាត់ពិភពលោក  FIFA World Cup ២០២៦ ហើយវាក៏ជាជ័យជម្នះលើកដំបូងរបស់ពួកគេក្រោមការដឹកនាំរបស់គ្រូបង្វឹកថ្មី Carlo Ancelotti ដោយបានយកឈ្នះប៉ារ៉ាហ្គាយក្នុងលទ្ធផល ១-០ក្នុងទីក្រុង Sao Paulo ។

ជ័យជម្នះនេះ បានធ្វើឲ្យ ប្រេស៊ីលគឺជាប្រទេសតែមួយគត់ដែលទទួលបានកៅអីប្រកួតបាល់ទាត់ពិភពលោកគ្រប់ពេលទាំងអស់គិតចាប់តាំងពីឆ្នាំ១៩៣០ដល់ឆ្នាំ២០២៦ ។នេះយោងតាមការចេញផ្សាយរបស់គេហទំព័រm.allfootballapp.com កាលពីថ្ងៃពុធទី ១១ មិថុនា ២០២៥។ ក្រុមជម្រើសជាតិប្រេស៊ីល បង្ហាញវត្តមានប្រកួតបាល់ទាត់ពិភពលោកគ្រប់ការប្រកួតទាំងអស់គឺចំនួន២៣ដងនាំមុខក្រុមជម្រើសជាតិអាល្លឺម៉ង់និងអាហ្សង់ទីន ។ ក្រុមជម្រើសជាតិអាល្លឺម៉ង់ បង្ហាញវត្តមានបានចំនួន២០ដង និង ១៨លើកជាប់ៗគ្នាខណៈ ក្រុមជម្រើសជាតិអាហ្សង់ទីន បានចំនួន ១៩ដងនិង ១៤លើកជាប់ៗគ្នា៕

(English) ក្រុមជម្រីសជាតិស៊ីលី (Chile) បានបាត់បង់កៅអីប្រកួតបាល់ទាត់ពិភពលោក ២០២៦ ដែលរៀបចំដោយសហម្ចាស់ផ្ទះបីគឺសហរដ្ឋអាមេរិក ម៉ិកស៊ិក និងកាណាដា បន្ទាប់ពីចាញ់បូលីវីដោយលទ្ធផល ២-០ កាលព្រឹកថ្ងៃពុធ ។ នេះគឺជាការបាត់បង់ឱកាសចូលរួមប្រកួតពានរង្វាន់បាល់ទាត់ពិភពលោកលើកទីបីជាប់ៗគ្នា។

ខ្សែប្រយុទ្ធជើងចាស់ស៊ីលី Alexis Sanchez បាននិយាយបន្ទាប់ពីការប្រកួតថា៖ វាជាថ្ងៃដ៏សោកសៅ ខ្ញុំមានអារម្មណ៍មិនល្អ។ យើងត្រូវសុំឱ្យអ្នកគាំទ្រអភ័យទោសឱ្យពួកយើង។ យើង​ត្រូវ​តែ​បន្ត​ការ​ងារទៅមុខទៀត។ មាន​ការ​ផ្លាស់​ប្តូរ​រួច​ហើយ ជំនាន់​មាស​ត្រូវ​បាន​គេ​កប់ចោល ​នៅ​សល់​តែ​ខ្ញុំម្នាក់​គត់»។

ជំនាន់មាសរបស់ប្រទេសស៊ីលីគឺបានឈ្នះពានរង្វាន់ Copa America ចំនួនពីរ ក្នុងឆ្នាំ២០១៥ និង១៦ ប៉ុន្តែពេលនេះគេមិនមានកៅអីប្រកួតប្រជែងសម្រាប់ការប្រកួត ៤៨ក្រុមដែលបានពង្រីកនៅរដូវក្តៅក្រោយ។បូលីវីបានរក្សាក្តីសង្ឃឹមរបស់ខ្លួនសម្រាប់ការប្រកួតវគ្គPlay Off អន្តរទ្វីបដើម្បីឈានទៅដល់ការប្រកួតបាល់ទាត់២០២៦។

ក្រុម​កំពូល​ទាំង​ប្រាំ​មួយ​ក្នុង​ការ​ប្រកួត​ជម្រុះ​នៅ​អាមេរិក​ខាង​ត្បូង​នឹង​ទទួល​បាន​កៅអីស្វ័យប្រវត្តិ​​ទៅប្រកួតនៅសហរដ្ឋអាមេរិក ម៉ិកស៊ិកនិងកាណាដា។ ក្រុមការពារតំណែងជើងឯកអាហ្សង់ទីន មានលក្ខណៈសម្បត្តិគ្រប់គ្រាន់ហើយ៕

(English) ក្នុងរយៈពេលប៉ុន្មានខែថ្មីៗនេះ Barcelona បាននិងកំពុងធ្វើការនៅពីក្រោយឆាក ដើម្បីកាត់បន្ថយការដាក់ទណ្ឌកម្មពីស្ថាប័ន UEFA ទាក់ទងទៅនឹងច្បាប់ ហិរញ្ញវត្ថុ ដែលពួកគេបានចំណាយក្នុងរដូវក្តៅឆ្នាំ២០២២។ ប្រតិបត្តិការទាំងនេះ រាប់បញ្ចូលទាំងការលក់សិទ្ធិផ្សាយទូរទស្សន៍ទៅឲ្យក្រុមហ៊ុន Sixth Street ក្នុងតម្លៃជាង៥៧០លានលានដុល្លារដែល បានបង្កើនប្រាក់ចំណូលរបស់ក្លឹបសម្រាប់រដូវកាល ២០២២-២៣។

ការបំពាននេះទាក់ទងនឹងប្រាក់ចំណូលដែលបានចុះបញ្ជីដោយ Barça លើទ្រព្យសម្បត្តិដែលមិនត្រូវបានចាត់ទុកថាពាក់ព័ន្ធទៅនឹងបទប្បញ្ញត្តិរបស់ UEFA  ខណៈដែលក្របខណ្ឌបាល់ទាត់អេស្ប៉ាញ La Liga បានយល់ព្រមលើកិច្ចព្រមព្រៀងនេះ UEFA មិនយល់ស្របទេ ដោយលើកហេតុផលថាពួកគេមិនមែនជា ប្រាក់ចំណូលប្រតិបត្តិការ។ នៅឆ្នាំ ២០២៣ UEFA បានពិន័យក្លឹប ហើយទោះបីជា Barcelona បានប្តឹងឧទ្ធរណ៍ទៅតុលាការកីឡាអេស្ប៉ាញ (TAD) ពួកគេនៅតែបង់ប្រាក់ចំនួនជាង៧០ម៉ឺនដុល្លារ។

យោងតាមសារព័ត៌មាន ​​Mundo Deportivo បានឲ្យដឹងថា ពេលនេះ UEFA និង Barcelona បានព្រមព្រៀងគ្នាថាការផាកពិន័យអាចត្រូវបានកាត់បន្ថយមកត្រឹម១៧លានដុល្លារ ប្រសិនបើក្លឹបគោរពតាមបទប្បញ្ញត្តិផ្នែកហិរញ្ញវត្ថុដោយយុត្តិធម៌។ បើមិនដូច្នោះទេ ទឹកប្រាក់៦៨លានដុល្លារនឹងត្រូវអនុវត្ត។ ជាការឆ្លើយតប ប្រធានក្លឹប Barcelona លោក Joan Laporta បានបើកកិច្ចពិភាក្សាជាមួយប្រធាន UEFA លោក Aleksandr Ceferin ។ ទំនាក់ទំនងរវាងអ្នកទាំងពីរមានភាពប្រសើរឡើងនាពេលថ្មីៗនេះ ហើយពួកគេក៏បានជួបគ្នាម្តងទៀតមុនការប្រកួត Nations League វគ្គផ្តាច់ព្រ័ត្រផងដែរ៕

(English) ​ខ្សែប្រយុទ្ធវ័យក្មេង Lamine Yamal បានក្លាយជាកីឡាករបាល់ទាត់ដែលមានតម្លៃបំផុតនៅទូទាំងពិភពលោកគឺមានតម្លៃជាង ២២៨ លានដុល្លារ។ ទោះបីជាក្លិប Barcelona ចាកចេញពីក្របខណ្ឌ Champions League ដោយក្រុម Inter Milan ក៏តម្លៃរបស់គាត់បានកើនឡើងជាង២០ % ។ កីឡាករ Barcelona ផ្សេងទៀតក៏ទទួលបានការជំរុញទីផ្សារផងដែរ នៅរដូវកាលនេះដោយ Pedri ឡើងដល់ជាង ១៥០លានដុល្លារ កីឡាករ Raphinha ដល់ជាង១០០លានដុល្លារ និង Pau Cubarsí ដល់ជាង ៩០លានដុល្លារ។ ស្ថិតក្នុងវ័យត្រឹមតែ១៧ឆ្នាំ តារាឆ្នើមរបស់ Barcelona រូបនេះបាននាំមុខគេនៅក្នុងប្រទេសអេស្ប៉ាញ និងទូទាំងពិភពលោក ដែលជាព្រឹត្តិការណ៍ដ៏សំខាន់ថ្មីមួយនៅក្នុងប្រវត្តិសាស្ត្របាល់ទាត់។

របាយការណ៍ដដែលបានឲ្យដឹងដែរថា ខ្សែប្រយុទ្ធ Mbappe របស់ក្លិប Real Madrid ឈរចំណាត់ថ្នាក់លេខ២ មានតម្លៃជាង២០៥ លានដុល្លារកើនឡើង១០,% និង Bellingham តម្លៃនៅថេរដដែលគឺ ២០៥លានដុល្លារឈរលំដាប់លេខ៣។ រដូវកាលនេះ Yamal ស៊ុតបញ្ចូលទីបាន ១៨ គ្រាប់ និងជួយមិត្តរួមក្រុមបាន២១ ដងក្នុង៥៥ ប្រកួតនៅគ្រប់ការប្រកួតទាំងអស់។

ក្រោមការដឹកនាំរបស់គ្រូបង្វឹកជនជាតិអាល្លឺម៉ង់ Hansi Flick ក្រុម Barcelona បានគ្រប់គ្រង La Liga និងលើកពាន Spanish Cup ដោយ Yamal រៀបចំការលេងវាយប្រហារជាច្រើនរបស់ក្រុម។ របាយការណ៍បានកត់សម្គាល់ថា Yamal គឺជាកីឡាករដ៏អស្ចារ្យម្នាក់ដែលបន្តទាក់ទាញអ្នកគាំទ្រជាមួយនឹងស្ទីលប្លែកៗរបស់គាត់។ នៅអាយុ១៧ឆ្នាំគាត់បានបង្កើតប្រវត្តិសាស្ត្របាល់ទាត់រួចហើយ ហើយការបន្តកុងត្រាថ្មីរបស់គាត់រហូតដល់ឆ្នាំ២០៣១ គូសបញ្ជាក់ពីតួនាទីសំខាន់របស់គាត់នៅ Barcelona៕

(English) យោងតាមរបាយពី FIFA បានបញ្ជាក់ថា ប្រាក់រង្វាន់សម្រាប់ពានរង្វាន់ក្លិប Club World Cup ជំនាន់ថ្មី ដែលមាន ៣២ ក្រុមនេះ  មានប្រាក់រង្វាន់រហូតទៅដល់ ជាង១ពាន់លានដុល្លារ រួមបញ្ចូលទាំងប្រាក់សាមគ្គីភាព(សម្រាប់អភិវឌ្ឍកីឡា) ជាសាកលដ៏ច្រើនសន្ធឹកសន្ធាប់។ ក្រុមដែលឈ្នះពាននឹងទទួលបានប្រាក់រង្វាន់សុទ្ធចំនួន ៤០ លានដុល្លារ និងជាង ១២៥ លានដុល្លារសរុបទាំងអស់។ FIFA បានបែងចែកប្រាក់ជា៣ផ្នែកធំៗគឺៈ

I-សសរស្តមកីឡាចំនួន ៤៧៥លានដុល្លារ(ប្រាក់រង្វាន់អាស្រ័យលទ្ធផលប្រកួតរបស់ក្លឹបនីមួយៗ)

១-វគ្គចែកពូល (បីប្រកួត) ក្រុមឈ្នះទទួលបាន២លាន និង​ស្មើទទួលបាន១លាន។

២-វគ្គ១៦ក្រុមទទួលបាន៧,៥លានដុល្លារ

៣-វគ្គ៨ក្រុមចុងក្រោយទទួលបាន១៣,១២លានដុល្លារ

៣-វគ្គពាក់កណ្តាលផ្តាច់ព្រ័ត្រទទួលបាន២១ លានដុល្លារ

៤-ចំណាត់ថ្នាក់លេខ២ ទទួលបាន៣០ លានដុល្លារ

៥-ក្លឹបឈ្នះជើងឯកទទួលបានទឹកប្រាក់៤០លានដុល្លារ

II-ប្រាក់រង្វាន់សម្រាប់ក្លឹប ចូលរួមប្រកួត(៣២ក្រុម)គឺ៤៧៥លានដុល្លារ

១-ទ្វីបអឺរ៉ុបទទួលបានចន្លោះពី១២,៨១ដល់ ៣៨,១៩ លានដុល្លារ(ទៅតាមចំណាត់ថ្នាក់ក្លឹបនិងពាណិជ្ជកម្ម)

២-អាមេរិកខាងត្បូងទទួលបាន១៥,២១ លានដុល្លារ

៣-អាមេរិកកណ្តាល ខាងជើង និងការ៉ាប៊ីនទទួលបាន ៩.៥៥ លានដុល្លារ

៤-ទ្វីបអាស៊ី ទទួលបាន ៩,៥៥ លានដុល្លារ

៥ អាហ្វ្រិកទទួលបាន ៩,៥៥ លានដុល្លារ

៦-ទ្វីបអូសេអានី ទទួលបាន ៣,៥៨ លានដុល្លារ

៣-ការទូទាត់ប្រាក់សាមគ្គីពង្រឹងកីឡា (២៥០លានដុល្លារ)

បន្ថែមពីលើប្រាក់រង្វាន់សម្រាប់ក្រុមដែលចូលរួម ។ ប្រាក់ទាំងនេះត្រូវបានបម្រុងទុកសម្រាប់គាំទ្រក្លឹបនៅទូទាំងពិភពលោក ជំរុញការអភិវឌ្ឍន៍ និងការរួមបញ្ចូលនៅក្នុងកីឡាបាល់ទាត់ពិភពលោក៕

(English) David Beckham ស្ថិតក្នុងបញ្ជីទទួលពាន​រង្វាន់​ពិសេស Knighthood ពីព្រះមហាក្សត្រអង់គ្លេស​ ដែលមានគោរមងារជា ‘Sir’ ​ថ្ងៃ​ខួបកំណើត​របស់​ព្រះអង្គ នៅ​សប្តាហ៍​ក្រោយ។ ការប្រគល់ពានរង្វាន់នេះនឹងត្រូវធ្វើឡើងនៅសប្តាហ៍ក្រោយ។ Beckham បានវិវត្តិខ្លួនពី “បាល់មាស” ទៅ ‘’Sir David”។គោរមងារ ‘Sir’ នេះគឺផ្តល់ជូនតែឥស្សរជនកំពូលដែលមានស្នាដៃជូនជាតិតែប៉ុណ្ណោះ។ឧទាហរណ៍លោក លោក Sir Alex Furguson ជាដើម។

ការទទួលស្គាល់នេះកើតឡើងបន្ទាប់ពីរង់ចាំអស់រយៈពេលជាងពីរទសវត្សរ៍បន្ទាប់ពី Beckham ឆ្នាំត្រូវបានតែងតាំងជាមន្រ្តីនៃលំដាប់នៃចក្រភពអង់គ្លេស (OBE) ក្នុងឆ្នាំ២០០៣ ដែលបានទទួលស្គាល់ការរួមចំណែករបស់គាត់ចំពោះបាល់ទាត់ និងសប្បុរសធម៌។ អតីតកីឡាករជម្រើសជាតិអង់គ្លេស និង Man United ប្រាថ្នាចង់បានងារ Sir ពីព្រះមហាក្សត្រអស់រយៈពេលជាច្រើនឆ្នាំ។ ដំណឹងនេះក៏នឹងនាំមកនូវភាពរីករាយខ្លះដល់គ្រួសារ Beckham ចំពេលមានជម្លោះជាមួយកូនប្រុសច្បងរបស់ពួកគេ Brooklyn និងប្រពន្ធរបស់គាត់ Nicola Peltz ។

អ្នកនយោបាយ និងតារាកីឡាជាច្រើនបានចំណាយពេលជាច្រើនឆ្នាំដើម្បីអំពាវនាវឱ្យបុរសដែលគេស្គាល់ថាជា បាល់មាស រូបនេះទទួលបានឋានៈជាទាហាន។ Beckham បានលេងឲ្យក្រុមជម្រីសជាតិអង់គ្លេស១១៥ដង និងបានរួមចំណែកយ៉ាងសំខាន់ដល់អង្គការសប្បុរសធម៌បានពង្រឹងមិត្តភាពយ៉ាងរឹងមាំជាមួយស្តេច Charles ។ Beckham ដែលជាឯកអគ្គរដ្ឋទូតសកម្មរបស អង្គការ Unicef ​និងថ្មីៗនេះឯកអគ្គរដ្ឋទូតមូលនិធិ King’s Foundation ដែលផ្តោតលើការអប់រំ និងគំនិតផ្តួចផ្តើមបរិស្ថាន ​បាន​មាន​ប្រសាសន៍​ថា៖ «ខ្ញុំ​រំភើប​ចិត្ត​ដែល​បាន​ធ្វើ​ការ​ជាមួយ The King’s Foundation និង​មាន​ឱកាស​ក្នុង​ការ​ជួយ​លើក​កម្ពស់​ការ​យល់​ដឹង​ពី​ការងារ​របស់​អង្គការ​សប្បុរសធម៌។ លោកត្រូវបានគេឃើញស្វាគមន៍ដោយព្រះមហាក្សត្រ Charles និងម្ចាស់ក្សត្រី Camilla ក្នុងកម្មវិធី Chelsea Flower Show ៕

(English) ពានរង្វាន់ Club World Cup ២០២៥ ត្រូវបានរចនាដោយ FIFA សហការជាមួយក្រុមហ៊ុនគ្រឿងអលង្ការប្រណីតលំដាប់ពិភពលោក Tiffany & Co.សម្រាប់ប្រគល់ជូនក្រុមដែលឈ្នះ វគ្គផ្តាច់ព្រ័ត្រនៅកីឡដ្ឋាន MetLife ក្នុងទីក្រុង New York New Jersey សហរដ្ឋអាមេរិក។នេះបើយោងតាមការចេញផ្សាយរបស់គេហទំព័រGoal.com កាលពីថ្ងៃទី១៦ ឧសភា ២០២៥។

លក្ខណៈពិសេសនៃការរចនា

ពាន​រង្វាន់​Club World Cupដ៏គួរឲ្យចាប់អារម្មណ៍និងអស្ចារ្យនេះ  ត្រូវបានបង្អួតដោយការស្រោប​មាស២៤ការ៉ាត់ និង​​ឆ្លាក់​ដោយកាំរស្មី​ឡាស៊ែរ​ទាំងសងខាង។គេមិនបានបញ្ជក់ពីទម្ងន់ កម្ពស់ ទទឹង ឬបណ្តោយឲ្យដឹងនោះទេ។ នៅក្នុងពាននេះ រួមមានផែនទីពិភពលោក ឈ្មោះសមាជិកសមាគម FIFAទាំង២១១ និងសហព័ន្ធចំនួនប្រាំមួយ  តំណាងឱ្យភាពសម្បូរបែបនៃភូមិសាស្ត្រ និងវប្បធម៌នៃកីឡាដ៏ស្រស់ស្អាត។

នៅក្នុងពាននេះមានកូនសោរស្រោបមាសមួយផងដែរ ដែលនឹងត្រូវប្រើដើម្បីបើកសោបំល្លាស់ទីពាន

រង្វាន់។ពានចម្លង Club World Cup  ដែលមានឆ្លាក់ឈ្មោះក្លឹបជាផ្លូវការដែលឈ្នះជើងឯក នឹងត្រូវប្រគល់ទៅឱ្យពួកគេ។

ពានរង្វាន់ FIFA Club World Cup ត្រូវបានបំប្លែងពីរូបរាងខែលទៅជារចនាសម្ព័ន្ធចម្រុះ និងគន្លងផែនដី ដោយបន្ថែមទំហំគួរអោយចាប់អារម្មណ៍ ជាមួយនឹងឌីសកណ្តាលពណ៌មាសបង្ហាញពីរូបតំណាងផ្សេងៗ រួមទាំងនិមិត្តសញ្ញានៃកីឡដ្ឋាន ឧបករណ៍កីឡា និងផែនទីពិភពលោក។ ក្នុងចំណោមការបំផុសគំនិតនៅពីក្រោយការរចនានៃពានរង្វាន់ថ្មីនេះ កំណត់ត្រា Voyager Golden Records បានអនុវត្តតាមបេសកកម្មអវកាសរបស់ NASA ក្នុងទសវត្សរ៍ឆ្នាំ១៩៧០តាមកាលកំណត់ ផែនទីនៃការធ្វើដំណើរត្រួសត្រាយផ្លូវ និងតារាសាស្ត្រដ៏លេចធ្លោ។ ពានរង្វាន់នេះមាននិមិត្តសញ្ញាតារាសាស្ត្រដែលបង្ហាញពីទីតាំងរបស់ភពនានានៅពេល FIFA ត្រូវបានបង្កើតឡើងជាង១២០ ឆ្នាំមុន និងនៃការប្រកួតបើកឆាក Club World Cup ឆ្នាំ ២០២៥នៅ Miami សហរដ្ឋអាមេរិក។

ពាននេះមានឆ្លាក់១៣ ភាសា

ក្រៅពីរូបភាពនៃកីឡដ្ឋាន និងឧបករណ៍ដែលបង្ហាញពីប្រពៃណីកីឡាបាល់ទាត់នៅលើថាស

កណ្តាល វាក៏មានឆ្លាក់១៣ភាសាផ្សេងគ្នា និងអក្សរផុសសម្រាប់ជនពិកានៅលើពានរង្វាន់ ដែលបង្ហាញពីស្មារតីរួមបញ្ចូលនៃកីឡាសកល ។

ឮ

និមិត្តសញ្ញាពាន

និមិត្តសញ្ញាពានគឺបង្ហាញពីភាពរុងរឿងវិស័យកីឡានាពេលអនាគត ដែលបំផុសគំនិតដោយអតីតកាល។សារដ៏បំផុសគំនិតមួយបានសរសេរថា ចំពោះអ្នកដែលកាន់ពានរង្វាន់នេះ ប្រវត្តិសាស្ត្រជារបស់អ្នក។ អ្នកគឺជាសាក្សីនៃពេលវេលាដ៏ខ្លីមួយ ដែលតំណាងឱ្យកំពូលនៃក្លឹបបាល់ទាត់ក្លឹប ដែលត្រូវបានប្រគល់ជូនមនុស្សតិចតួច ប៉ុន្តែត្រូវបានអបអរសាទរដោយមនុស្សជាច្រើន។

ប្រធាន FIFA លោក Gianni Infantino បាននិយាយថា ពានរង្វាន់ថ្មីនេះ គឺការច្នៃប្រឌិតច្របាច់បញ្ចូលគ្នា និងភាពជាសាកលយ៉ាងពិតប្រាកដសម្រាប់ FIFA Club World Cup ៣២ក្រុមថ្មី សមនឹងទទួលបានពានរង្វាន់ដែលតំណាងឱ្យអ្វីៗទាំងអស់នៅលេីពិភពលោក។ វាមានទាំងកិត្យានុភាព មិនចេះរីងស្ងួត ពោលគឺពានរង្វាន់មាសដែលជានិមិត្តសញ្ញានៃអនាគតនិងបំផុសគំនិតពីអតីតកាល។

ក្រុមដែលលើកពាននេះនឹងបានកាន់នៅក្នុងដៃ។ ចំពោះកីឡាករដែលឈ្នះវា ប្រវត្តិសាស្ត្រជារបស់អ្នក! ចូរនាំវាទៅកាន់ពិភពលោក ហើយអបអរសាទរវា ខណៈដែលយើងទន្ទឹងរង់ចាំការចាប់ផ្តើមនៃយុគសម័យថ្មីសម្រាប់បាល់ទាត់ នៅពេលដែលម្ចាស់ជើងឯក FIFA Club World Cup តែមួយគត់លើកពាន FIFA Club World Cup នៅ New York New Jersey នៅថ្ងៃទី១៣ ខែកក្កដា ឆ្នាំ២០២៥៕

(English) FIFA ទទួលបានការវិនិយោគបន្ថែមទៀតពីប្រទេសអារ៉ាប៊ីសាអូឌីត សម្រាប់ការប្រកួតពានរង្វាន់ Club World Cup រៀបចំដោយម្ចាស់ផ្ទះសហរដ្ឋអាមេរិកដែលនឹងប្រព្រឹត្រទៅចាប់ពីថ្ងៃទី ១៤មិថុនា ដល់១៣ កក្កដា ២០២៥។  មូលនិធិវិនិយោគសាធារណៈរបស់រដ្ឋអារ៉ាប៊ីសាអូឌីត (PIF) គឺជាម្ចាស់ភាគហ៊ុនក្លឹបAl-Hilal  ៧៥ % ក្នុងចំណោមក្រុមចំនួន៤ផ្សេងទៀត នៅក្នុងលីគបាល់ទាត់ជាតិដែលខ្លួនបានគ្រប់គ្រងតាំងពីឆ្នាំ២០២៣។ Al-Hilal បានឈ្នះពានរង្វាន់ Asian Champions League ក្នុងឆ្នាំ២០២១ហើយត្រូវបាន FIFA ចាប់ឆ្នោតក្នុងពូលជាមួយ Real Madrid, Pachuca និង Salzburg ។

FIFA បាននិយាយថា PIF គឺជាដៃគូផ្លូវការនៃការប្រកួតចាប់ពីថ្ងៃទី១៤ខែមិថុនា ដល់ថ្ងៃទី១៣ ខែកក្កដា នៅក្នុងទីក្រុងចំនួន១១ របស់អាមេរិកទោះបីជាតម្លៃនៃកិច្ចព្រមព្រៀងនេះមិនត្រូវបានបញ្ជាក់ក៏ដោយ។ រដ្ឋអារ៉ាប៊ីសាអូឌីតធ្លាប់ផ្តល់មូលនិធិយ៉ាងមានប្រសិទ្ធភាពដល់កិច្ចព្រមព្រៀងចាក់ផ្សាយការប្រកួតបាល់ទាត់ Club World Cup ដែលបានគាំទ្រយ៉ាងទូលំទូលាយនូវមូលនិធិរង្វាន់ការប្រកួតចំនួន១ពាន់លានដុល្លារដែលត្រូវបានចែករំលែកក្នុងចំណោមក្រុមទាំង៣២ រួមទាំងក្រុម Al-Hilal ដែលក្រុមនីមួយៗនឹងទទួលបានប្រាក់ចូលរួមប្រកួតចំនួន ៩,៥៥លានដុល្លារ។

FIFA បានប្រកាសកិច្ចព្រមព្រៀងផ្សាយជាសកលសម្រាប់ការប្រកួត Club World Cup ជាមួយនឹងសេវាកម្មចាក់ផ្សាយអង់គ្លេស DAZN កាលពីខែធ្នូ ពីរថ្ងៃមុននឹងបញ្ជាក់ថាអារ៉ាប៊ីសាអូឌីតធ្វើជាម្ចាស់ផ្ទះនៃការប្រកួតបាល់ទាត់ពិភពលោកឆ្នាំ២០៣៤បុរស។ ការវិនិយោគរបស់អារ៉ាប៊ីសាអូឌីតជាមួយ DAZN ដែលត្រូវបានគេរាយការណ៍ថាមានប្រហែល១ពាន់លានដុល្លារ៕

(English) ក្លិប Barcelona និង Chelsea អាចនឹងជាប់បម្រាមមិនអោយប្រកួតពានរង្វាន់ UEFA Champions League ឆ្នាំ ២០២៥-២៦ ដោយសារក្លិបទាំងពីរនេះ បំពានបទប្បញ្ញត្តិនិរន្តរភាពហិរញ្ញវត្ថុរបស់ UEFA (FSR) ម្តងហើយម្តងទៀត។ របាយការណ៍ពី The Times ក៏បានចេញផ្សាយផងដែរថា៖ អង្គភាពគ្រប់គ្រងហិរញ្ញវត្ថុរបស់ UEFA កំពុងពិនិត្យមើលសកម្មភាពហិរញ្ញវត្ថុរបស់ក្លិប Barcelona ដែលរួមមានវិធីសាស្រ្តគណនេយ្យដ៏ចម្រូងចម្រាសដែលពាក់ព័ន្ធនឹងការលក់សិទ្ធិផ្សាយនាសម្រាប់ឆ្នាំខាងមុខ។ នៅឆ្នាំ២០២២ Barcelona បានលក់សិទ្ធិទូរទស្សន៍១០% ក្នុងតម្លៃ ជាង៣០៤លានដុល្លារ និង១៥% បន្ថែមទៀតដែលមានតម្លៃជាង ៤៥៦លានដុល្លារ។

ចំណែកឯ GOAL រាយការណ៍ថា ឥឡូវនេះ ស្ថាប័នគ្រប់គ្រងកំពុងពិចារណាលើការដាក់ទណ្ឌកម្មជាច្រើន រាប់ចាប់ពីការរិតដ្បិតក្រុម និងការកាត់ពិន្ទុរហូតដល់ការហាមមិនអោយប្រកួត Champions League ទាំងស្រុងសម្រាប់រដូវកាល២០២៥-២៦។ ដោយឡែក ក្រុម Chelsea និង Aston Villa របស់ Premier League ក៏កំពុងត្រូវបានស៊ើបអង្កេតផងដែរសម្រាប់ការបំពានច្បាប់ FSR ដែលអាចកើតមានបន្ទាប់ពីបានចំណាយលុយយ៉ាងច្រើននារដូវកាលកន្លងមក។ សាលក្រមចុងក្រោយរបស់ UEFA ត្រូវបានគេរំពឹងទុកមុនពេលចាប់ផ្តើមរដូវកាល២០២៥-២៦៕