(English) Liverpool ​បាន​ក្លាយ​ជា​ម្ចាស់​ជើង​ឯក Premier League លើកទី២០ ជាមួយ​នឹង​ការ​ប្រកួត​​នៅ​សល់ចំនួន ៤ ​ក្នុង​រដូវ​កាល ២០២៤-២៥ បន្ទាប់​ពី​យក​ឈ្នះ Tottenham Hotspur ៥-១ នៅ​កីឡដ្ឋាន Anfield។ លោក Arne Slot ដឹកនាំក្រុមហង្សក្រហមឈ្នះពាន Premier League ក្នុងរដូវកាលដំបូងខណៈដែលពួកគេមាន ១៥ ពិន្ទុដាច់ពីក្រុមចំណាត់ថ្នាក់លេខ ២ Arsenal ដែលកំពុងស្ថិតនៅលើផ្លូវដើម្បីបញ្ចប់ចំណាត់ថ្នាក់លេខ ២ សម្រាប់រដូវកាលទី ៣ ជាប់ៗគ្នា។

ជ័យជម្នះនេះបានជួយឱ្យលោក Arne Slot ក្លាយជាគ្រូបង្វឹកទី ៥ ដែលដឹកនាំក្លិបឈ្នះដូវកាលដំបូង បន្ទាប់ពីគ្រូបង្វឹក៤រូបដូចខាងក្រោមៈ

១- លោក Jose Mourinho បានមកដល់ប្រទេសអង់គ្លេសក្នុងឆ្នាំ២០០៤ ។ គាត់បានដឹកនាំ Chelsea ឈ្នះពានរដូវកាលដំបូងជាមួយនឹងកំណត់ត្រា៩៥ពិន្ទុខ្ពស់បំផុត រហូតដល់រដូវកាល២០១៧-១៨ នៅពេលដែលវាត្រូវបានបំបែកដោយ Manchester City ជាមួយនឹង ១០០ ពិន្ទុ។

២-លោក Carlo Ancelotti បានមកដល់ Chelsea នៅរដូវក្តៅឆ្នាំ២០០៩ ចំពេលដែលក្រុមតោខៀវមិនបានឈ្នះពានរង្វាន់លីកចាប់តាំងពីរដូវកាល ២០០៥-០៦ ក្រោមការដឹកនាំរបស់លោក Mourinho ។ គ្រូបង្វឹកសញ្ជាតិអ៊ីតាលីរូបនេះបានឈ្នះពានរង្វាន់ក្នុងរដូវកាលដំបូងរបស់គាត់ជាមួយនឹង៨៦ពិន្ទុនាំមុខក្រុម Manchester United របស់លោក Sir Alex Ferguson មួយពិន្ទុ។ ក្រុមរបស់គាត់បានបង្កើតកំណត់ត្រាស៊ុតបញ្ចូលទីច្រើនជាងគេក្នុងមួយរដូវកាលជាមួយនឹង១០៣ គ្រាប់ តែត្រូវបានបំបែកដោយ Man City ក្នុងរដូវកាល២០១៧-១៨ជាមួយនឹង១០៦ គ្រាប់។ គាត់ត្រូវបានគេបណ្តេញចេញនៅចុងបញ្ចប់នៃរដូវកាលទីពីររបស់គាត់បន្ទាប់ពីដឹកនាំបញ្ចប់ចំណាត់ថ្នាក់ទីពីរ។

៣-លោក Manuel Pellegrini  គ្រូបង្វឹកសញ្ជាតិឈីលី  បានដឹកនាំ Man Cityឈ្នះពាន PL ជាលើកដំបូងក្នុងរដូវកាល២០១៣-១៤ដោយមាន៨៦ ពិន្ទុ និង១០២ គ្រាប់ ទោះបីជាចាប់ផ្តើមមានភាពរង្គោះរង្គើក៏ដោយ ។ ៤-លោក Antonio Conte បានស្នងតំណែងជា អចិន្ត្រៃយ៍របស់ Mourinho ក្នុងរដូវកាល២០១៦-១៧ ហើយបន្ទាប់ពីការចាប់ផ្តើមដ៏រង្គោះរង្គើ គាត់បានប្តូរទៅទម្រង់៣-៤-៣ហើយបានដឹកនាំឈ្នះ១៣ ប្រកួតជាប់ៗគ្នា និងបង្កើតកំណត់ត្រាថ្មីសម្រាប់ការឈ្នះច្រើនបំផុតក្នុងមួយរដូវកាល មុនពេលវាត្រូវបានបំបែកដោយមេទ័ពលោក Pep Guardiola ក្នុងរដូវកាល២០១៧-១៨៕

(English) សមាគមបាល់ទាត់ថៃ FAT ត្រូវបានសហព័ន្ធកីទ្បាបាល់ទាត់អាស៊ី AFC ពិន័យជាប្រាក់ចំនួន ៦ សែនបាត បន្ទាប់ពីអ្នកគាំទ្ររបស់ខ្លួននាំគ្នាដុតកាំជ្រួច ក្នុងអំឡុងពេលការប្រកួតពានរង្វាន់ AFC Beach Soccer Championship ឆ្នាំ២០២៥ ដែលប្រទេសថៃធ្វើជាម្ចាស់ផ្ទះ។

ជាការពិតណាស់! បញ្ហាខាងលើនេះ FAT ត្រូវបាន AFC ផ្ញើលិខិតមួយច្បាប់ ដើម្បីធ្វើការពិន័យដល់ពួកគេចំនួន ២ ម៉ឺនដុល្លារអាម៉េរិក (៦៦៧,៩២០ លានបាត)។ លើសពីនេះ AFC ក៏បានបញ្ជាឱ្យ FAT បង់ប្រាក់ពិន័យចំនួន ២ ម៉ឺនដុល្លារអាម៉េរិក បន្ទាប់ពីអ្នកគាំទ្រមួយក្រុមបានបំពានច្បាប់ដោយការដុតកាំជ្រួច ក្នុងការប្រកួតជុំទីមួយ នៃពានរង្វាន់ខាងលើនេះនៅប្រទេសថៃ ដែលជាការប្រកួតចុងក្រោយដែលពួកគេបានយកឈ្នះគុយវ៉ែត ក្នុងលទ្ធផល ៤-៣ កាលពីថ្ងៃទី ២៤ ខែមីនា ឆ្នាំ ២០២៥ កន្លងទៅ។

ការពិន័យខាងលើនេះគឺបែងចែកជាពីររួមមាន៖ ទី១ អ្នកគាំទ្របាល់ទាត់ម្នាក់បានដុតភ្លើង ដោយពិន័យ ១ ម៉ឺនដុល្លារអាម៉េរិក និងទី ២ ការបរាជ័យក្នុងការថែរក្សាប្រព័ន្ធសុវត្ថិភាព ដោយពិន័យ ១ ម៉ឺនដុល្លារអាម៉េរិក ផងដែរ។ មានន័យថាការពិន័យខាងលើនេះសរុបជាទឹកប្រាក់ ២ ម៉ឹនដុល្លារអាម៉េរិក ឬប្រហែលជា ៦៦៧,៩២០ លានបាត។  គួរបញ្ជាក់ រាល់ព្រឹត្តិការណ៍ ដែលប្រទេស​ថៃជាម្ចាស់ផ្ទះ កន្លងម​ក  សមាគមត្រូវបានពិន័យជាប្រាក់ចំនួន ៩ ម៉ឺនដុល្លារអាម៉េរិក ឬប្រហែលជា ៣,០២៧,០៦០ លានបាត សម្រាប់ករណីដូចគ្នា ដែលសរុបជាទឹកប្រាក់ចំនួន ៧ ម៉ឺនដុល្លារអាម៉េរិក ឬប្រហែល ២,៤ លានបាត ផងដែរ៕

ប្រភព៖ BallThai

(English) ខ្សែប្រយុទ្ធ Marcus Rashford ត្រូបានរំពឹងថានឹងអវត្តមានពេញ ១ រដូវកាលនេះតែម្តង បន្ទាប់ពីមានបញ្ហារបួសសរសៃពួរ។ បញ្ហាខាងលើនេះក៏បានអូសបន្លាយដល់កីឡាករអង់គ្លេសវ័យ ២៧ ឆ្នាំរូបនេះខកខានជួយ Aston Villa លេងនៅពាន FA Cup វគ្គពាក់កណ្តាលផ្តាច់ព្រ័ត្រដែលពួកគេបានចាញ់ Crystal Palace កាលពីរាត្រីថ្ងៃសៅរ៍សប្តាហ៍មុន។

យ៉ាងណា វាមិនទាន់បានបញ្ចប់ទេអំពីសំណួរដែលចោទសួរថា Marcus Rashford ដែលកំពុងខ្ចីជើងពី Manchester United អាចត្រលប់មកវិញ មុនពេលបញ្ចប់យុទ្ធនាការ Premier League ដែរឬទេ ។ Marcus Rashford មិនទាន់បានសម្រេចចិត្តណាមួយនោះទេ ជុំវិញអនាគតរបស់រូបគេរហូតដល់ចុងបញ្ចប់រដូវកាលនេះសិន ស្របពេលកិច្ចសន្យារបស់គេជាមួយនឹងក្លិប Manchester United មានសុពភាពរហូតដល់ឆ្នាំ ២០២៨ ឯណោះ តែគេមិនបានរំពឹងថាត្រលប់ទៅលេងឱ្យក្លិបវិញទេ ប្រសិនបើមានលោក Ruben Amorim នៅដឹកនាំ៕

ប្រភព៖ BBC

(English) ខ្សែប្រយុទ្ធ Mohamed Salah បានចូលរួមពិធីជប់លៀងនៅកីឡដ្ឋាន Anfield ដោយស៊ុតបញ្ចូលទីគ្រាប់ទី ៤ ជួយឱ្យក្រុមរបស់រូបគេយកឈ្នះ Tottenham ដោយលទ្ធផល ៥ -១ ឈ្នះពាន Premier League លើកទី២០ តាមស្មើកំណត់ត្រារបស់បិសាចក្រហម Manchester United ។ តាមរយៈ​ការ​ទម្លាយសំណាញ់ទីបានមួយគ្រាប់កាលពីរាត្រីថ្ងៃអាទិត្យនេះបានធ្វើឱ្យតារា Liverpool ​​ក្លាយ​ជា​កីឡាករ​បរទេស​ដែល​ស៊ុតបញ្ចូលទីបានច្រើន​បំផុត​ក្នុង​ប្រវត្តិសាស្ត្រ Premier League។

មុនការប្រកួត Mohamed Salah មានកំណត់ត្រាស្មើជាមួយអតីតខ្សែប្រយុទ្ធរបស់ Man City គឺ Sergio Aguero ។ ឥឡូវនេះ Salah បានយកឈ្នះគាត់ដោយស៊ុតបញ្ចូលទី១៨៥គ្រាប់។ វាក៏មានន័យផងដែរថា Salah ឥឡូវនេះគឺជាអ្នកស៊ុតបញ្ចូលទីបានល្អបំផុតទី៥នៃយុគសម័យ Premier League បន្ទាប់ពី Alan Shearer, Harry Kane, Wayne Rooney និង Andy Cole ប៉ុណ្ណោះ៕

ប្រភព៖ Tribuna

(English)

ក្លិបព្រះខ័នរាជស្វាយរៀង ត្រូវការតែ ៣ ពិន្ទុទៀតប៉ុណ្ណោះ ក្នុងចំណោម ៣ ប្រកួតដែលនៅសល់ បន្ទាប់ពីពួកគេបានយកឈ្នះលើអង្គរថាហ្គឺរ ៦-១ ស្របពេលភ្នំពេញក្រោន ចាញ់បឹងកេត ៤-៣ កាលពីយប់មិញ។ លទ្ធផលបែបនេះបានធ្វើឱ្យក្រុមលោក Pep Muñoz មាន​ ៧០ ពិន្ទុ នាំមុខកំពូលតារាង Cambodia Premier League 2024-25 បន្ទាប់ពីឆ្លងកាត់ ២៧ ប្រកួតមកនេះ ស្របពេលភ្នំពេញក្រោន ដែលឈរលេខ ២ មាន ៦៣ពិន្ទុ លេង ២៧ប្រកួតដូចគ្នា។

មានន័យថា ព្រះខ័នរាជស្វាយរៀង ដែលបានគ្រងជើងឯកលីគកំពូលកម្ពុជា កាលពីឆ្នាំមុន ត្រូវការតែ ៣ ពិន្ទុទៀតប៉ុណ្ណោះ ដើម្បីលើកពានលីគ ក្នុងរដូវកាលទី ២ របស់លោក Pep Muñoz ក៏ដូចជា ២ ឆ្នាំជាប់ៗគ្នា និងជាលើកទី ៤ ក្នុងប្រវត្តិសាស្រ្តក្លិប ផងដែរ។ ម្ចាស់ជើងឯកលីគ ៣ សម័យកាល ព្រះខ័នរាជស្វាយរៀង នឹងត្រូវប្រកាសជើងឯក Cambodia Premier League រដូវកាលនេះតែម្តង ប្រសិនបើឈ្នះណាហ្គាវើលដ៍ នាថ្ងៃទី៣០ ខែមេសា ឆ្នាំ២០២៥ នៅឯកីទ្បដ្ឋានខេត្តស្វាយរៀងរបស់ខ្លួន៕

(English) Al Hilal ត្រូវបានគេរាយការណ៍ថាបានដាក់សំណើរដ៏ធំមួយទៅកាន់ Barcelona សម្រាប់ការផ្ទេរខ្សែបម្រើស្លាបប្រេស៊ីល Raphinha ។ Al Hilal សុខចិត្តចំណាយ ៣៤០លានដុល្លារដើម្បីនាំយក កីឡាកររូបនេះមកកាន់ទ្វីបអាស៊ី ដែលក្នុងនោះ១១៣ លានដុល្លារសម្រាប់ក្លឹប Barcelona និងជាង២២៦លានដុល្លារសម្រាប់កីឡាករ Raphinha ។

ការផ្តល់ជូននេះរួមបញ្ចូលទាំងកិច្ចសន្យារយៈពេល ៤ ឆ្នាំ សម្រាប់ Raphinha ជាមួយនឹងប្រាក់ខែសុទ្ធចំនួន ៥៦ លានដុល្លារក្នុងមួយរដូវកាល។ កិច្ច​ព្រម​ព្រៀង​ដ៏​ធំនេះ​អាច​នឹង​មាន​សក្ដានុពល​រង្គោះ​រង្គើ​ទាំង Barcelona និង Raphinha ដែល​ជា​ផ្នែក​សំខាន់​មួយ​ក្នុង​ក្រុម​ក្នុង​រដូវ​កាល​នេះ។ Raphinha មានកុងត្រាជាមួយ Barcelona រហូតដល់ថ្ងៃទី៣០ ខែមិថុនា ឆ្នាំ២០២៧ ហើយក្លឹបកំពុងស្វែងរកការបន្តថ្មីទៀត។

ទោះជាយ៉ាងណាក៏ដោយ ការផ្តល់ជូនរបស់អារ៉ាប៊ីសាអូឌីត អាចផ្លាស់ប្តូរស្ថានភាពទាំងស្រុង។ ទម្រង់លេងដ៏គួរឱ្យចាប់អារម្មណ៍របស់កីឡាករនៅរដូវកាលនេះ ជាមួយនឹងគ្រាប់បាល់៣០ គ្រាប់ និងជួយបាន​២៣ដងក្នុងការបង្ហាញខ្លួន៤៩ ដង បានធ្វើឱ្យគាត់ក្លាយជាកីឡាករសំខាន់សម្រាប់ក្រុមរបស់លោក Hansi Flick ។ Barcelona បច្ចុប្បន្នកំពុងនាំមុខគេក្នុងតារាង Liga ហើយក៏កំពុងប្រជែងគ្នាក្នុងវគ្គពាក់កណ្តាលផ្តាច់ព្រ័ត្រ Champions League និងវគ្គផ្តាច់ព្រ័ត្រ Copa del Rey ទល់នឹង Real Madrid ។អនាគតរបស់ Raphinha ទំនងជានឹងត្រូវសម្រេចចិត្តនៅប៉ុន្មានថ្ងៃខាងមុខ៕

(English) Liverpool កំពុងឈរ​កំពូលតារាង នឹងឆ្ពោះទៅរកតំណែងជើងឯក​ពានរង្វាន់ Premier League នៅ​រដូវ​កាល​នេះ ជាមួយនឹងប្រាក់ចំណូលជាង ២៣៥ លាន​ដុល្លារ​។  លោកArne Slot នឹងដឹកនាំឈ្នះពានរង្វាន់នៅក្នុងយុទ្ធនាការលើកដំបូងដែលមិនធ្លាប់មានរបស់គាត់ក្នុងនាមជាអ្នកចាត់ការទូទៅ ។

ប្រាក់ចំណូលទាំងនោះរួមមាន:

១-ប្រាក់ចំណូលភាគហ៊ុនស្មើគ្នារបស់លីកមានចំនួនជាង១២៦លានដុល្លារ

២-ប្រាក់រង្វាន់ឈ្នះពានមានចំនួនជាង៧៥លានដុល្លារ។

៣-ពាណិជ្ជកម្មទូរទស្សន៍ក្នុងស្រុកចំនួនជាង៣៣លានដុល្លារ។

៤-ប្រាក់រង្វាន់លេីកទឹកចិត្តពីការផ្សាយអន្តរជាតិចំនួនជាង១០ លានដុល្លារ។

ការជំរុញផ្នែកហិរញ្ញវត្ថុនេះមិនត្រឹមតែផ្តល់រង្វាន់ដល់យុទ្ធនាការជោគជ័យប៉ុណ្ណោះទេ ប៉ុន្តែថែមទាំងពង្រឹងជំហររបស់ Liverpool នៅក្នុងទីផ្សារផ្ទេររដូវក្តៅ និងជួយដល់ផែនការរយៈពេលវែងផងដែរ៕

(English) Liverpool នឹងមានឱកាសឈ្នះពាន Premier League ជាលើកទី ២០ របស់ពួកគេនៅថ្ងៃអាទិត្យទី២៧ ខែមេសា ឆ្នាំ២០២៥ នៅពេលដែលពួកគេធ្វើជាម្ចាស់ផ្ទះទទួលភ្ញៀវ ក្រុម Tottenham នៅកីឡដ្ឋាន Anfield ។ ហង្សក្រហមមានកំណត់ត្រាដ៏គួរឱ្យចាប់អារម្មណ៍នៅក្នុងទឹកដីរបស់ខ្លួនពេលទទួលភ្ញៀវ Tottenham គឺចាញ់តែម្តងគត់ក្នុងការជួបគ្នា ៣០ លើកចុងក្រោយនៅ Premier League និងមិនដែលចាញ់ក្នុង១៣លើកចុងក្រោយរបស់ពួកគេចាប់តាំងពីចាញ់ ២-០ ក្នុងខែឧសភា ឆ្នាំ ២០១១ ។

ចំណែកឯវិញ Tottenham បានតស៊ូជាមួយ Liverpool ក្នុងរដូវកាលនេះ ដោយបានរបូតគ្រាប់បាល់សរុប១០គ្រាប់ក្នុង ២ប្រកួត គឺចាញ់៦-៣ក្នុងលីគ និងចាញ់៤-០ក្នុងការប្រកួត Carabao Cup វគ្គពាក់កណ្តាលផ្តាច់ព្រ័ត្រជើងទីពីរ។ លើកចុងក្រោយ Spurs បានរបូតគ្រាប់បាល់ច្រើនក្នុងអំឡុងរដូវកាល ២០១៣-១៤ គឺ១១គ្រាប់ពេលប្រកួតជាមួយ Manchester City ។ ការបង្ហាញទម្រង់ការពារដ៏អាក្រក់បំផុតរបស់ពួកគេបានកើតឡើងនៅក្នុងរដូវកាល២០០១-០២ នៅពេលដែលពួកគេបានបណ្តោយឱ្យរបូត១៤គ្រាប់ទល់នឹង Chelsea ៕

ប្រភព៖ Tribuna

(English) UEFA កំពុងពិចារណាលើការផ្លាស់ប្តូរទម្រង់ប្រកួតសំខាន់ៗចំនួនបីសម្រាប់ក្របខណ្ឌ UEFA Champions League នៅរដូវកាល ២០២៥-២៦។ គម្រោងផ្លាស់ប្តូរនេះបានកើតឡើង បន្ទាប់ពីមានការប្តឹងផ្តល់ពីក្រុម Arsenal។

គម្រោងផ្លាស់ប្តូរទាំង៣រួមមានៈ

១- UEFA អាចនឹងផ្លាស់ប្តូរបទប្បញ្ញត្តិរបស់ពួកគេ ដើម្បីឱ្យក្រុមដែលបញ្ចប់ក្នុងដំណាក់កាលប្រកួតក្នុងលីគខ្ពស់ជាង ទទួលបានអត្ថប្រយោជន៍ប្រកួតក្នុងផ្ទះសម្រាប់ជើងទី២ក្នុងវគ្គជម្រុះ។

រដូវកាលនេះ ក្រុមដែលមានចំណាត់ថ្នាក់ខ្ពស់ក្នុងតារាងបានលេងនៅផ្ទះក្នុងជើងទី ២ ក្នុងការប្រកួត១៦ ចុងក្រោយ ប៉ុន្តែសម្រាប់ការប្រកួតវគ្គ ១/៤ ផ្តាច់ព្រ័ត្រ ឬពាក់កណ្តាលផ្តាច់ព្រ័ត្រ មិនទទួលបានអត្ថប្រយោជន៍បែបនោះទេ។ ជាឧទាហរណ៍ Arsenal ត្រូវ​ប្រកួត​ជើង​ទី​២​ ជាមួយក្រុម Real Madrid នៅ​កីឡដ្ឋាន Santiago Bernabeu ហើយ​ត្រូវ​លេង​ក្រៅ​ដី​សម្រាប់​ការ​ប្រកួត​ជើង​ទី​២​នៃ​វគ្គ​ពាក់​កណ្តាល​ផ្តាច់​ព្រ័ត្រ​របស់​ពួក​គេ​ទល់​នឹង PSG ផង​ដែរ។

Arsenal បានបញ្ចប់ក្នុងចំណាត់ថ្នាក់លេខ៣ ក្នុងលីគ ហើយមានអារម្មណ៍ថាពួកគេគួរតែទទួលបានរង្វាន់សម្រាប់រឿងនេះ ដោយអ្នកគាំទ្របាល់ទាត់ភាគច្រើនទទួលបានអត្ថប្រយោជន៍បន្តិចបន្តួចក្នុងការលេងជើងទីពីរនៅផ្ទះ។ តាមការប្រៀបធៀប Real Madrid (លេខ១១) និង PSG (លេខ១៥) ទាំងពីរបានបញ្ចប់នៅក្រៅតារាង កំពូលទាំង៨ហើយត្រូវឈ្នះការប្រកួត play-off ដើម្បីឈានទៅវគ្គ១៦ ក្រុមចុងក្រោយ។

២- UEFA កំពុងពិចារណាដកម៉ោងបន្ថែម១៥នាទី២ដង (Extra Time) ស្ថាប័នបាល់ទាត់អឺរ៉ុបកំពុងគិតអំពីការកាត់បន្ថយម៉ោងបន្ថែម ដើម្បីបន្ធូរបន្ថយបន្ទុកការងាររបស់កីឡាករចំពេលមានការព្រួបារម្ភកាន់តែខ្លាំងឡើងចំពោះការកើនឡើងនៃរបួស។

៣-ការផ្លាស់ប្តូរដ៏មានសក្តានុពលចុងក្រោយទាក់ទងនឹងក្រុមមកពីប្រទេសតែមួយលេងជាមួយគ្នាក្នុងដំណាក់កាលលីក។ការប្រកួតបែបនេះវាមិនមានការទាក់ទាញសម្រាប់ទាំងអ្នកគាំទ្រ និងអ្នកផ្សាយ។ ត្រឡប់មកវិញ UEFA អាចនាំយកច្បាប់ការពារមកវិញ ដែលមានន័យថាការជួបគ្នាក្លឹបក្នុងប្រទេសនឹងត្រូវរង់ចាំរហូតដល់វគ្គ ១/៤ ផ្តាច់ព្រ័ត្រ។

ច្បាប់​នោះ​មាន​នៅ​មុន​ការ​ផ្លាស់​ប្តូរ​ជុំ​ចុង​ក្រោយ​បំផុត​នៃ​ការ​ប្រកួត​ប្រជែង។ ជាឧទាហរណ៍ជាក់ស្តែងចំនួនពីរ៖ ក្នុងយុទ្ធនាការ Champions League រដូវកាលនេះ PSG ប៉ះ Brest ដែលជាមិត្តរួម Ligue 1 ក្នុងវគ្គ Play-off។ Bayern Munich និង  Leverkusen ក៏​ត្រូវ​ប៉ះ​គ្នា​ក្នុង​ជុំ​ទី ១៦ ដូច​ក្រុម​មាន​មូលដ្ឋាន​នៅ Madrid ដែរ៕