Raphinha បានបើកចំហថា វាពិតជាលំបាកប៉ុណ្ណាសម្រាប់គាត់ក្នុងការបន្តអាជីពបាល់ទាត់នៅពេលគាត់នៅប្រេស៊ីល។

គាត់បានសរសេរក្នុង UOL Esporte ថា៖«ខ្ញុំត្រូវប្រាប់អ្នកពីការពិត៖ វាពិតជាស្មុគស្មាញណាស់។ សម្រាប់អ្នកដែលកើតនៅក្នុងសង្កាត់ក្រីក្រដូចខ្ញុំ វាពិបាកក្នុងការផ្តោតអារម្មណ៍។ ខ្ញុំមកពី Restinga (សង្កាត់មួយនៅទីក្រុង Porto Alegre) វាពិបាកក្នុងការដើរតាមផ្លូវហើយកុំឱ្យវង្វេង។
«ឱកាសបានលេចឡើង ហើយមានច្រើនណាស់។ ពួកគេសន្យាថា មានមធ្យោបាយងាយស្រួលក្នុងការរកលុយ ហើយនោះជាកន្លែងដែលមនុស្សវង្វេង។ ខ្ញុំមិនដែលដើរចេញពីផ្លូវទេ ប៉ុន្តែខ្ញុំជាសាក្សី ខ្ញុំដើរជាមួយមនុស្សដែលវង្វេង។

«ខ្ញុំបានបាត់បង់មិត្តភក្តិជាច្រើននៅក្នុងពិភពឧក្រិដ្ឋកម្ម ក្នុងការជួញដូរគ្រឿងញៀន…. មានមិត្តភក្តិជាច្រើនដែលលេងបានល្អជាងខ្ញុំ 10 ដង ហើយអ្នកណាក៏អាចលេងនៅក្នុងក្លិបបាល់ទាត់ដ៏អស្ចារ្យមួយក្នុងពិភពលោកបានដែរ»។

«ការមានជនគំរូទាំងនេះនៅជិតគឺជាកត្តាសំខាន់ក្នុងការរក្សាការផ្តោតអារម្មណ៍របស់ខ្ញុំ។ ខ្ញុំបានដឹងពីអ្វីដែលខ្ញុំចង់បានតាំងពីនៅក្មេង៖ ដើម្បីក្លាយជាកីឡាករបាល់ទាត់។ ការសម្រេចបាននូវគោលដៅនេះដោយការចាកចេញពីសង្កាត់ក្រីក្រគឺជាការលះបង់ដ៏ធំមួយ»។
«វាជារឿងអយុត្តិធម៌ដែលនិយាយថាខ្ញុំស្រេកឃ្លានក្នុងមួយជីវិត ដោយសារឪពុកម្តាយខ្ញុំមិនដែលខ្វះខាតអាហារនៅផ្ទះនោះទេ។ ក្រោយពេលហ្វឹកហាត់ ខ្ញុំឈរនៅតាមផ្លូវ ហើយសុំមនុស្សឲ្យទិញអ្វីឲ្យខ្ញុំញ៉ាំ ឬអាហារសម្រន់ខ្លះៗ។ អ្នកខ្លះក៏ជួយខ្ញុំ ហើយអ្នកខ្លះទៀតហៅខ្ញុំថាជាមនុស្សឆ្កួត។

«ដោយសារមិនមានអ្វីត្រូវធ្វើ ក្រៅពីរង់ចាំឡានក្រុងមកផ្ទះ ទើបខ្ញុំអាចរកអ្វីហូបបាន។ ខ្ញុំមានអាយុចន្លោះពី ១២ ទៅ ១៤ ឆ្នាំនៅពេលនោះ»។

Raphinha បានធំធាត់នៅក្នុង favela ប្រេស៊ីល (តំបន់អនាធិបតេយ្យ) ហើយត្រូវតស៊ូយ៉ាងលំបាកដើម្បីក្លាយជាកីឡាករបាល់ទាត់។ គាត់មានអាជីពជាកីឡាករយុវជននៅក្លិបមួយដែលមានឈ្មោះថា ‘Avai’ មុនពេលទទួលបានឱកាសលេងនៅ Vitor Guimaraes ។

គាត់បានមកដល់ទ្វីបអឺរ៉ុបតាមរយៈ Sporting CP មុនពេលលេងឱ្យ Rennes ហើយបន្ទាប់មកផ្លាស់ទៅ Leeds United ។ ជំហានបន្ទាប់ Barcelona បានចុះហត្ថលេខាលើគាត់ ហើយគាត់គឺជាកីឡាករលេចធ្លោមួយនៅរដូវកាលនេះជាមួយនឹងការរួមចំណែក(ស៊ុតនិងបញ្ជូនបាល់) 19 គ្រាប់ក្នុង 14 ប្រកួត។

ការតែងតាំងលោក Ruben Amorim ជាអ្នក​ចាត់​ការ​របស់ក្លិប  Manchester United នា​ពេល​ខាងមុខបានបង្កឱ្យមានការរំពឹងទុកអំពីការផ្ទេរកីឡាករចូលដ៏មានសក្តានុពល។

ប្រភពបានបង្ហាញថាលោក Amorim បានកំណត់អត្តសញ្ញាណកីឡាករ Sporting CP បីនាក់ដែលគាត់ចង់នាំយក​មក Old Trafford ។

Goncalo Inacio

ខ្សែការពារកណ្តាលវ័យ 23 ឆ្នាំត្រូវបានគេគោរពយ៉ាងខ្លាំងនៅក្នុងទ្វីបអឺរ៉ុប ហើយ Amorim ជឿជាក់ថាគាត់អាចពង្រឹងតំបន់ការពាររបស់ United ។ ជាមួយនឹងអនាគតរបស់ Harry Maguire និង Victor Lindelof មិនច្បាស់លាស់ លក្ខខណ្ឌផ្ដាច់កុងត្រា Inacio តម្លៃ 60 លានអឺរ៉ូអាចចចារបាន។

 Marcus Edwards

អតីតខ្សែបម្រើស្លាបរបស់ Tottenham ដែលបច្ចុប្បន្នកំពុងរងរបួស ត្រូវបានគេមើលឃើញថាជាការបន្ថែមដ៏មានតម្លៃសម្រាប់ក្រុមបិសាចក្រហម។ Edwards អាច​ជំនួស Antony ដែល​អាច​នឹង​ត្រូវ​បាន​លក់ ឬ​ខ្ចី​ជើង​ចេញ​ក្នុង​ខែមករា។

Pedro Goncalves

Amorim ធ្វើ​ការជុំគ្នាជាមួយខ្សែបម្រើស្លាបដ៏មានទេពកោសល្យម្នាក់នេះ ប៉ុន្តែថ្នាក់ដឹកនាំរបស់ Sporting មានការស្ទាក់ស្ទើរក្នុងការអនុញ្ញាតឱ្យគាត់ចាកចេញក្នុងទីផ្សារដោះដូរកីឡាករពាក់កណ្តាលរដូវកាល។ ការចាកចេញរបស់ Goncalves នឹងធ្វើឱ្យ Man Utd ចំណាយច្រើន។

ទន្ទឹមនឹងនេះដែរ របាយការណ៍បានភ្ជាប់ United ទៅនឹងអ្នកស៊ុតបញ្ចូលទីរបស់ Sporting គឺកីឡាករ Viktor Gyokeres ប៉ុន្តែប្រភពបានបង្ហាញថាការផ្ទេរនេះគឺមិនទំនងនោះទេ។ Arsenal, Liverpool, Manchester City, និង Chelsea ត្រូវបានគេរាយការណ៍ថាចាប់អារម្មណ៍លើ Gyokeres ។

Manchester United គ្រោងនឹងតែងតាំង Ruben Amorim ជាគ្រូបង្វឹកបន្ទាប់របស់ពួកគេ។

ក្លិប Sporting Lisbon បាន​បញ្ជាក់​ថា Man United បាន​សម្រេច​បង្កើត​លក្ខខណ្ឌ​ផ្ដាច់កុងត្រា​ចំនួន ១០ លាន​អឺរ៉ូ។យោងតាម ​​Fabrizio Romano លោក Amorim បានយល់ព្រមរួចហើយលើលក្ខខណ្ឌផ្ទាល់ខ្លួននៃការផ្លាស់ទៅ​កីឡដ្ឋាន​ Old Trafford ។

គាត់បានសរសេរថា៖«Manchester United គ្រោងនឹងចំណាយ 10 លានអឺរ៉ូផ្ដាច់កុងត្រាជួលគ្រូបង្វឹកលោក Rúben Amorim ហើយ​គាត់​នឹង​ក្លាយជាអ្នកចាត់ការថ្មី Here We Go!»ុ

«ក្លិប Sporting បានបញ្ជាក់ការទំនាក់ទំនងផ្លូវការ ដែលបានទទួលសំណើពី MUFC។ លោក Amorim ខ្លឡួនឯងបាននិយាយរួចហើយចំពោះសំណើ និងគម្រោងរបស់ Man Utd»។

Amorim នឹងចាក​ចេញ​ពី Sporting បន្ទាប់​ពីគាត់​ប្រកប​អាជីព​នៅ​ក្លិប​អស់​រយៈ​ពេល​៤​ឆ្នាំ​កន្លះ ដោយ​ឈ្នះ​ពាន​លីគ​២​ដង និង​ពាន Cup ​២​ដង។

គេរំពឹងទុកថា ដំបូលកីឡដ្ឋាន Santiago Bernabéu នឹងត្រូវបិទសម្រាប់ការប្រកួត El Clasico ដែលនឹង​លេងនៅថ្ងៃសៅរ៍នេះជាមួយក្រុម Barcelona ។

ការសម្រេចចិត្តបិទដំបូលនេះមានគោលបំណងសំខាន់ពីរ៖ ដើម្បីធានាថាប្រព័ន្ធមេកានិកដំណើរការបានត្រឹមត្រូវ និងទប់ស្កាត់សំឡេងរំខាននៅក្នុងពហុកីឡដ្ឋាន បង្កើតបរិយាកាសកាន់តែរស់រវើក និងខ្លាំងជាងមុន។

នេះមិនមែនជាលើកទីមួយទេ ដែល Real Madrid ប្រើយុទ្ធសាស្ត្រនេះ ដើម្បីផ្តល់ថាមពលដល់ក្រុមម្ចាស់ផ្ទះ។ ដោយ​មាន​សំឡេង​រំខាន កីឡដ្ឋាន Bernabéu ត្រូវ​បាន​គេ​រំពឹង​ទុក​ថា​នឹង​ក្លាយ​ជា​បន្ទាយ​ដ៏​គួរ​ឱ្យ​ភ័យខ្លាច ដែល​ផ្តល់​អត្ថប្រយោជន៍​បន្ថែម​ដល់​ក្រុម​ម្ចាស់ផ្ទះ។

ការបិទនេះបានគូសបញ្ជាក់ពីបំណងប្រាថ្នារបស់ Real Madrid ក្នុងការពង្រីកគ្រប់ផ្នែកទាំងអស់ក្នុងការស្វែងរកជ័យជម្នះនៅក្នុងការប្រកួត La Liga ដ៏សំខាន់នេះ។

បច្ចុប្បន្ន Barcelona កំពុងនាំមុខលើតារាង La Liga ដោយ Real Madrid ដេញតាមពីក្រោយ បីពិន្ទុ ដែលធ្វើឱ្យការប្រកួតនេះក្លាយជាការប្រយុទ្ធដ៏ស្វិតស្វាញសម្រាប់ការ​ប្រកួតដ៏ កំពូលនៅក្នុងបាល់ទាត់អេស្ប៉ាញ។

ថ្នាក់ដឹកនាំរបស់ Man United បានបង្កើតផែនការដើម្បីចុះហត្ថលេខាលើខ្សែបម្រើថ្មីពីរនាក់នៅឆ្នាំ 2025 នេះបើ​យោងតាមអ្នកកាសែត Dean Jones ។

បិសាចក្រហមកំពុងសម្លឹងមើលការចុះហត្ថលេខាលើខ្សែបម្រើក្នុងទីផ្សារដោះដូរកីឡាករខែមករា។ នេះគឺដើម្បីជួស​ជុល​គុណភាពនៃខ្សែបម្រើរបស់ពួកគេ ដែលពួកគេមានអារម្មណ៍ថាមិនត្រូវបានពង្រឹងបើទោះបីជាមាន Manuel Ugarte ថ្មីៗមកដល់ក៏ដោយ។

Man United ក៏កំពុងសម្លឹងមើលការចុះហត្ថលេខាលើខ្សែបម្រើមួយផ្សេងទៀតនៅទីផ្សារដោះដូរកីឡាកររដូវក្តៅឆ្នាំ 2025 ជាពិសេសចំពេលមានភាពមិនច្បាស់លាស់លើខ្សែបម្រើបច្ចុប្បន្នមួយចំនួន។

Christian Eriksen ទំនងជានឹងចាកចេញពី Old Trafford នៅពេលដែលកិច្ចសន្យារបស់គាត់ផុតកំណត់នៅចុង​ខែមិថុនា ឆ្នាំ 2025។ Casemiro អាចត្រូវបានលក់ចេញនៅរដូវក្តៅក្រោយផងដែរ ខណៈដែល Man United គ្រោងនឹងស្តារក្រុមរបស់ពួកគេឡើងវិញជាមួយនឹងកីឡាករមានទេពកោសល្យវ័យក្មេង។

ឈ្មោះបេក្ខភាពមួយចំនួនដែលត្រូវបានត្រួតពិនិត្យដោយក្រុមជ្រើសរើសកីឡាកររបស់ក្លិបរួមមាន ខ្សែបម្រើ Morten Frendrup របស់ Genoa ខ្សែបម្រើ Morten Hjulmand របស់ Sporting CP និងកីឡាករ Richard Rios របស់ Palmeiras  ។

លោក Carlo Ancelotti បាននិយាយថា៖ “កីឡាករទាំងនោះមានការខ្មាស់អៀនខ្លាំងពេកនៅក្នុងតង់ទីមួយ [ទល់នឹង Borussia Dortmund]។ យើងអាចលេងដោយថាមពល និងហានិភ័យ។ យើងត្រូវតែដាក់សម្ពាធបន្ថែមទៀត”។

“យើងបានផ្លាស់ប្តូរទម្រង់លេងក្នុងតង់ទីពីរ ហើយនេះជាការលេងក្នុងតង់ទី២ដ៏ល្អបំផុត​ក្នុងរដូវកាលនេះ​ហើយ។ ចង្វាក់ និងអាំងតង់ស៊ីតេរបស់យើងខ្ពស់ណាស់។ ការ​ប្រកួតបានផ្លាស់ប្តូរនៅពេលដែលយើងរកបានគ្រាប់បាល់ដំបូង»។

Real Madrid បាន​ឱ្យ​ក្រុមភ្ញៀវ Borussia Dortmund ស៊ុត​នាំមុខ 2-0 នៅតង់ទី 1 បន្ទាប់ពីខ្សែការពារលេង​មិនបានល្អនៅតង់ទីមួយ។ យ៉ាង​ណា​ក៏​ដោយ ពួក​គេ​អាច​ចាប់​ផ្តើម​ការវាយបកបាន​យ៉ាង​ឆាប់​រហ័ស​ ហើយ​ស៊ុត​៥គ្រាប់​យក​ឈ្នះ៥ទល់២ ខណៈដែល Vinicius Jr. រក​បាន​គ្រាប់​បាល់ Hat-trick ត្រឹម​ជាង​៣០​នាទី៕

Aston Villa ឡើង​ទៅ​ឈរ​កំពូល​តារាង UEFA Champions League ខណៈ​ពួក​គេ​រក្សា​កំណត់ត្រា​ឈ្នះ 100% ក្រោយ​លេង​៣​ប្រកួត។

បីពិន្ទុដែលឈ្នះ Bologna កាលពីយប់មិញនេះបានធ្វើឱ្យក្រុម Aston Villa ឡើងមកឈរនៅលេខរៀងទី 1 ហើយពួកគេគឺជាក្រុមតែមួយគត់ដែលដណ្តើមបាន 9 ពិន្ទុក្នុងក្របខ័ណ្ឌ Champions League មកទល់ពេលនេះ។

មិនត្រឹមតែប៉ុណ្ណឹងទេ ប៉ុន្តែក្រុមនៅ Premier League ក៏ជាក្រុមតែមួយគត់ដែលមិន​របូតគ្រាប់បាល់បន្ទាប់ពីការប្រកួតបីសប្តាហ៍ក្នុងទម្រង់លេងថ្មីនេះ។

អាជ្ញាកណ្តាលជនជាតិស្លូវេនី លោក Slavko Vincic ត្រូវបានតែងតាំងឲ្យធ្វើជាអាជ្ញាកណ្ដាលដឹកនាំ ការប្រកួត UEFA Champions League រវាង Barcelona និង Bayern Munich នៅយប់ថ្ងៃពុធ។

Vincic ត្រូវបានគេស្គាល់ ដោយសារការសម្រេចចិត្តដ៏ចម្រូងចម្រាសរបស់គាត់។ គាត់គឺជាអាជ្ញាកណ្តាលក្នុងអំឡុងពេលប្រកួតក្រៅដីរបស់ Barcelona ជាមួយក្រុម Inter Milan ក្នុងរដូវកាល 2022-23 ដែលក្នុងការប្រកួតនោះ Barcelona ចាញ់១ទល់០ ជ្រុះចេញពីបពារង្វាន់ UEFA Champions League តែម្ដង។

អ្នកគាំទ្រ និងអ្នកវិភាគបាល់ទាត់ជាច្រើនមានអារម្មណ៍ថា គាត់បានទទួលការខលចូល និងលើកទូរស័ព្ទ ធ្វើឱ្យមានចម្ងល់ជាច្រើន ជាពិសេសប៉ះពាល់ដល់លទ្ធផលនៃការប្រកួតនោះផងដែរ។ Barcelona នឹងសង្ឃឹមថានឹងទទួលបានបទពិសោធផ្សេងពីគ្នានៅពេលនេះ ខណៈដែលពួកគេប៉ះជាមួយ Bayern Munich ជាក្រុមដែលពួកគេមានការប្រកួតប្រជែងគ្នាយ៉ាងខ្លាំង។