ព័ត៌មានកីឡាជាតិ
កីឡាករកូនកាត់ខ្មែរ-អាមេរិក នីកូឡាស់ ឌឿងនឹងចូលរួមជាមួយក្លិបព្រះខ័នរាជស្វាយរៀងក្នុងរដូវកាល២០២៣ នេះបើតាមរយៈភ័ស្តុតាងមួយចំនួនខាងក្រោមនេះ ទោះបីជាក្លិបមិនទាន់ប្រកាសជាផ្លូវការក៏ដោយ។
View this post on Instagram A post shared by nick taylor (@itsnicktaylor)
A post shared by nick taylor (@itsnicktaylor)
កាលពិម្សិលមិញសាមីកីឡាករផ្ទាល់បានបង្ហាញតម្រុយចូលរួមជាមួយក្លិបព្រះខ័នរាជស្វាយរៀងដោយផុសក្នុងបណ្ដាញសង្គម Instagram និង Facebook សរសេរសារបញ្ជាក់ច្បាស់ៗ។ ក្នុង Facebook រូបគេបានសរសេរថា ៖ទៅកាន់ទីក្រុងដែលផ្លាស់ប្តូរជីវិតខ្ញុំ អរគុណសម្រាប់អ្វីៗគ្រប់យ៉ាង ?x⚔️ ពិតជារំភើបចិត្តសម្រាប់អាជីពបន្ទាប់!»។
ដោយឡែកជីតារបស់គាត់ក៏បានផុសក្នុងបណ្ដាញសង្គម ប្រកាសអំពី Nick ជាមួយក្លឹបថ្មី៖« រូបដាវនៅក្នុងសេចក្តីប្រកាសរបស់ Nicolas គឺតំណាងឱ្យក្រុមថ្មីរបស់គាត់ក្នុងលីគអាជីពកំពូលនៅកម្ពុជា ហៅថា Cambodian Premier League: ព្រះខ័នរាជស្វាយរៀង។ (“ដាវពិសិដ្ឋ” ជាភាសាអង់គ្លេស) Svay Reang FC។ សូមអបអរសាទរ និងជូនពរដល់លោក Nicolas និងក្រុមការងារថ្មីរបស់គាត់ ក្នុងការតំណាងឱ្យខេត្តដ៏តូច ប៉ុន្តែមានមោទនភាពចំពោះលោកតា ម៉ី ដែលជាបុរសសម្បុរខ្មៅស្រអែម និងឧស្សាហ៍ព្យាយាម ដែលបុព្វបុរសទំនងជាបានជួយកសាងអច្ឆរិយៈស្ថាបត្យកម្មដ៏អស្ចារ្យមួយរបស់ពិភពលោកបុរាណ គឺប្រាសាទអង្គរវត្ត»។
បន្ទាប់ពីធ្វើការចែកចាយរយៈពេល 1 ម៉ោង ការបង្ហោះ(Share)របស់ជីតាគាត់ត្រូវបានលុបចោល ទំនងជាអនុញ្ញាតឱ្យក្លឹបប្រកាសជាសាធារណៈជាមុន។ ដោយឡែកសម្រាប់ភ្នំពេញក្រោនវិញក៏បានចចារកុងត្រាជាមួយកីឡាកររូបនេះដែរ ប៉ុន្តែពិភាក្សាគនាមិនបានជោគជ័យនោះទេ មកដល់ពេលនេះយើងរង់ចាំតែការប្រកាសកុងត្រាពីក្លិបពាក់ព័ន្ធខាងលើតែប៉ុណ្ណោះ៕
ព័ត៌មានកីឡាអន្តរជាតិ
Fred បានបង្ហាញខ្លួនលើកទី 182 សម្រាប់ Man United ទល់នឹង Arsenal ក្នុង Premier League កាលពីថ្ងៃអាទិត្យ។ ដូច្នេះហើយ គាត់បានក្លាយជាកីឡាករប្រេស៊ីលដែលមានការបង្ហាញខ្លួនច្រើនជាងគេសម្រាប់បិសាចក្រហម ដោយវ៉ាដាច់ Anderson ។
ទន្ទឹមនឹងនេះ Lisandro Martínez គឺជាកីឡាករអាហ្សង់ទីនទី 7 ដែលស៊ុតបញ្ចូលទីបានមួយគ្រាប់ក្នុង Premier League ឱ្យ Man Utd ។
គាត់បានចូលរួមរកគ្រាប់បាល់ឱ្យ Man Utd ជាមួយកីឡាករដទៃទៀតដូចជា Carlos Tevez, Juan Sebastián Verón, Ángel Di María, Marcos Rojo, Gabriel Heinze និង Alejandro Garnacho ។
United ចាញ់ 3-2 នៅ Emirates ។ បិសាចក្រហមនឹងត្រលប់មកប្រកួតវិញនៅថ្ងៃពុធទល់នឹង Nottingham Forest ក្នុងវគ្គពាក់កណ្តាលផ្តាច់ព្រ័ត្រនៃពានរង្វាន់ Carabao Cup ។
ប្រភព៖ OptaJoe
Ten Hag បាននិយាយបន្ទាប់ពីការបរាជ័យ 3-2 នៅ Emirates ថា៖ “វាគឺជាការប្រកួតដ៏អស្ចារ្យ ការប្រកួតដែលមានចង្វាក់ច្រើន ហើយទស្សនិកជនគឺជាអ្នកឈ្នះដ៏ធំ»។
«ការប្រកួតរបស់ក្រុមកំពូលពីរ ប៉ុន្តែជាការពិតណាស់ យើងមានការខកចិត្ត នៅពេលដែលអ្នកចាញ់ការប្រកួតនេះនៅដំណាក់កាលចុងក្រោយ។ គ្រាប់បាល់ទាំងអស់ដែលយើងបានទទួលនៅថ្ងៃនេះគឺជាកំហុស វាមិនអាចកើតឡើងបានទេ»។
«សូម្បីតែសប្តាហ៍មុនក៏យើងពិបាកក្នុងការវាយបកក្នុងស្ថានភាពបែបនេះក៏ដោយ ប៉ុន្តែថ្ងៃនេះយើងរបូតគ្រាប់បាល់ទាំងបីដែលយើងអាចជៀសវាងបាន»។
“ពួកគេ [Arsenal] ល្អណាស់លើការគ្រប់គ្រងបាល់ ប៉ុន្តែយើងជាក្រុមការពារដ៏ល្អ។ មានឱកាសមិនច្រើនទេ។ ពួកយើងមានកំហុសដែលយើងមិនអាចធ្វើបាន។ ការប្រកួតនេះត្រូវបានសម្រេចដោយកំហុសតូចៗ ប៉ុន្តែក៏មានការសម្រេចចិត្តត្រូវផងដែរ។ វាជាការលំបាកក្នុងការទទួលយក ហើយយើងត្រូវរៀនពីវា»។
United បានបើកការស៊ុតបញ្ចូលទីតាមរយៈ Marcus Rashford ស៊ុតនាំមុខ ប៉ុន្តែ Nketiah និង Saka បានជួយឱ្យ Arsenal នាំមុខ មុន Martinez ស្តារភាពស្មើគ្នា។
ទោះបីជាយ៉ាងណាក៏ដោយ ក្រុមបិសាចក្រហមបានបរាជ័យក្នុងការរក្សាមួយពិន្ទុរបស់ពួកគេក្នុងតំណាក់កាលចុងម៉ោងដែលអនុញ្ញាតឱ្យ Nketiah រកគ្រាប់បាល់ជ័យជម្នះ។
ប្រភព៖ Sky Sports តាមរយៈ Utd Report
Alejandro Garnacho គ្រោងនឹងចុះកិច្ចសន្យារយៈពេលវែងនៅ Manchester United ។ កិច្ចព្រមព្រៀងបច្ចុប្បន្នរបស់កីឡាករវ័យ 18 ឆ្នាំនឹងផុតកំណត់នៅឆ្នាំ 2024 ប៉ុន្តែបិសាចក្រហមបានត្រៀមខ្លួនរួចរាល់ហើយក្នុងការផ្តល់ជូនគាត់នូវកិច្ចព្រមព្រៀងដែលប្រសើរឡើងជាងមុន។
United ចង់ចង Garnacho ចុះកិច្ចសន្យារយៈពេល 8 ឆ្នាំ ដែលជាកិច្ចសន្យាវែងបំផុតដែលមិនធ្លាប់មានរបស់ក្លឹប។ ទោះជាយ៉ាងណាក៏ដោយ គ្រួសារ និងទីប្រឹក្សាជិតស្និទ្ធរបស់គាត់មិនមានបំណងចង់ធ្វើកិច្ចសន្យាលើសពី 4 ឆ្នាំនោះទេ។
Garnacho នឹងរកបានប្រហែល 32,000 ផោនក្នុងមួយសប្តាហ៍ជាមួយនឹងមន្ត្រីរបស់ United ដែលមានបំណងចង់បំបែកទំនៀមទម្លាប់របស់ក្លឹបដោយរួមបញ្ចូលការលក់ផ្ដាច់កុងត្រាដូចក្លិបនៅអេស្ប៉ាញ។
បន្ទាប់ពីការបង្ហាញខ្លួនជាលើកដំបូងរបស់គាត់នៅចុងរដូវកាលមុន Garnacho បានរីកចម្រើនក្នុងរដូវកាលនេះ។ គាត់ត្រូវបានគេចាត់ទុកថា ជាការរំពឹងទុកដ៏ធំបំផុតរបស់ក្លឹប។
គាត់ទំនងជានឹងបង្ហាញទម្រង់លេងទល់នឹងក្រុម Arsenal ក្នុងក្របខ័ណ្ឌ Premier League នៅថ្ងៃអាទិត្យនេះ ជាមួយនឹងក្តីសង្ឃឹមក្នុងការបន្ថែមស្ថិតិល្អ ខណៈដែលគាត់រួមចំណែកក្នុងការបង្កើតគ្រាប់បាល់៦គ្រាប់នៅរដូវកាលនេះទៅហើយ។
ប្រភព៖ The Mirror
ដោយសារមានអ្នកខ្លះនៅតែសង្ស័យលើគុណភាពរបស់គាត់ក្នុងការក្លាយជាកីឡាករលេខ ១ របស់ Man United កីឡាករ David de Gea បាននិយាយថា៖ «ខ្ញុំមិនចាំបាច់បង្ហាញអ្វីនោះទេ ខ្ញុំបង្ហាញពីគុណភាពរបស់ខ្ញុំអស់ជាច្រើនឆ្នាំហើយ»។
“ខ្ញុំដឹងថាមនុស្សចូលចិត្តនិយាយ ប៉ុន្តែខ្ញុំស៊ាំនឹងរឿងនោះទៅហើយ។ ខ្ញុំគ្រាន់តែសម្តែងឱ្យបានល្អតាមដែលខ្ញុំអាចធ្វើបាន ជួយក្រុម និងព្យាយាមអស់ពីសមត្ថភាពគ្រប់ពេលវេលា»។
«ខ្ញុំមានអារម្មណ៍ល្អណាស់។ ខ្ញុំកំពុងជួយក្រុម ហ្វឹកហាត់បានល្អ មានអារម្មណ៍ជឿជាក់។ ដូចក្រុមទាំងមូល យើងលេងបានល្អ»។
«បាទ! ខ្ញុំបានរស់នៅជាមួយរឿងជាច្រើន ខ្ញុំឆ្លងកាត់គ្រាលំបាកជាច្រើន។ ខ្ញុំមិនខ្វល់នឹងការស្មោះត្រង់អ្វីទេ ខ្ញុំគ្រាន់តែផ្ដោតលើការប្រកួតរបស់ខ្ញុំ លើការហ្វឹកហាត់របស់ខ្ញុំ និងក្រុមរបស់ខ្ញុំ»។
De Gea ស្ថិតក្នុងទម្រង់លេងដ៏គួរឱ្យចាប់អារម្មណ៍នៅ United ក្នុងរដូវកាលនេះ ដោយរក្សាបានសំណាញ់ទីស្អាត១២ប្រកួតក្នុង 26 ប្រកួតនៅគ្រប់ពានរង្វាន់ទាំងអស់។ គាត់មាន Clean Sheet បីដងក្នុងការប្រកួត Premier League 5 លើកចុងក្រោយ ហើយគាត់នឹងសង្ឃឹមសម្រាប់អ្វីដែលស្រដៀងគ្នាជាមួយ Arsenal នៅថ្ងៃអាទិត្យនេះ។
ប្រភព៖ MEN
ង្វៀន កុងភឿង(Nguyen Cong Phuong) ធ្លាប់បានលេងឱ្យជម្រើសជាតិវៀតណាម ហើយឥឡូវនេះគាត់ស្ថិតក្នុងកំណត់ត្រាមួយដើម្បីក្លាយជាកីឡាករវៀតណាមដំបូងគេដែលលេងនៅក្នុងលីគ Meiji Yasuda J1និយាយឱ្យខ្លីគឺ J-League 1 ។
Cong Phuong បានលេងនៅប្រទេសជប៉ុនរួចហើយ ដោយបានរួមរស់ជាមួយក្លិប Mito Hollyhock ក្នុង J2 នៅពេលគាត់មានអាយុ 21 ឆ្នាំ។ បន្ទាប់មកគាត់បានផ្លាស់ទៅលេងឱ្យ Incheon United ក្នុងប្រទេសកូរ៉េខាងត្បូង និង Sint-Truiden នៅបែលហ្សិកក្នុងលក្ខខ័ណ្ឌខ្ចីជើង បន្ថែមពីលើការត្រលប់មកវិញក្នុងក្លិបលីគកំពូលវៀតណាម។
ឥឡូវនេះ ជាមួយនឹងបទពិសោធន៍ទាំងអស់ដែលគាត់បានជ្រើសរើសកាលពីប៉ុន្មានឆ្នាំមកនេះ Cong Phuong បានត្រលប់មក J.League ដោយបានចុះហត្ថលេខាជាមួយ Yokohama FC ដែលទើបនឹងឡើងមកលីគកំពូលជប៉ុនរដូវកាលថ្មី។
នោះហើយបាធ្វើឲ្យកីឡាករលេខ១០របស់វៀតណាមរូបនេះក្លាយជាកីឡាករដំបូងគេពីប្រទេសតំបន់អាស៊ីអាគ្នេយ៍ដែលបានលេងក្នុងលីគកំពូលរបស់ជប៉ុន។ Cong Phuong នឹងត្រូវបន្តសាងសង់អាជីពលេងក្រៅប្រទេសនៅលើគ្រឹះដែលអតីតកីឡាករ Le Cong Vinh កាលពី 10 ឆ្នាំមុន ពេលដែលគាត់បានស៊ុតបញ្ចូលទីឱ្យ Hokkaido Consadole Sapporo ក្នុងលីគទី២។
ឥឡូវនេះ នៅអាយុ 28 ឆ្នាំ Cong Phuong អាចជាកីឡាបាល់ទាត់វៀតណាមមកលេងប្រទេសជប៉ុនបានវែងឆ្ងាយ និងខ្ពស់ជាងពេលណាៗទាំងអស់ដោយការលេងក្នុងលីគកំពូល ហើយនៅក្នុងដំណើរការនេះ សូមបន្តកសាងសម្រាប់កីឡាករវៀតណាមជំនាន់ក្រោយដែលចង់សម្តែងនៅទូទាំងទ្វីបអាស៊ី។
Yokohama FC ចាប់ផ្តើមរដូវកាលរបស់ពួកគេជាមួយនឹងក្រុម Nagoya Grampus ដូច្នេះត្រូវប្រាកដថា អ្នកតាមដានការប្រកួតដែលអាចជាព្រឹត្តិការណ៍ដ៏សំខាន់សម្រាប់បាល់ទាត់វៀតណាមក្នុងការប្រារព្ធខួបលើកទី 30 របស់ J.League ។
ទាំង Lisandro Martinez ឬ Fred និងកីឡាករ Manchester United ផ្សេងទៀត នឹងជាប់បម្រាមមួយប្រកួត ប្រសិនបើពួកគេទទួលបានកាតលឿងទីប្រាំរបស់ពួកគេទល់នឹង Arsenal។
នេះក៏ព្រោះតែចំណុចកាត់ចេញសម្រាប់កាតលឿងចំនួន ៥ (cut-off point for five yellow cards ) ដែលជាលទ្ធផលនៃការព្យួរមួយប្រកួតបានកន្លងផុតទៅហើយ។
ច្បាប់ Premier League ចែងថា កីឡាករដែលទទួលបានកាតលឿងចំនួន 5 ក្នុងការប្រកួតលីគចំនួន 19 លើកដំបូងក្នុងក្រុមរបស់ពួកគេត្រូវបានព្យួរមួយប្រកួត។ កីឡាកររបស់ Man Utd នឹងនៅតែប្រយ័ត្នខ្លួនឯងនៅពេលដែលរដូវកាលនេះដំណើរការទៅមុខ ព្រោះការទទួលបានកាតលឿងចំនួន 10 នៅក្នុងការប្រកួតចំនួន 32 នៃយុទ្ធនាការលីគប្រចាំរដូវកាលនឹងបណ្តាលឱ្យមានជាប់ពិន័យពីរប្រកួត។
ការប្រកួតក្របខ័ណ្ឌ Premier League ជុំទី 32 គ្រោងនឹងធ្វើឡើងនៅចុងសប្តាហ៍នៃថ្ងៃទី 22 ខែមេសា។ Casemiro គឺជាកីឡាករទី 4 របស់ Man Utd ដែលទទួលបានកាតលឿងចំនួន 5 ដងក្នុងរដូវកាលនេះ បន្ទាប់ពី Diogo Dalot របស់ Scott McTominay និង Bruno Fernandes ។ យប់នេះគាត់ខកខានការធ្វើដំណើរទៅ Arsenal ។
Dani Alves វីរបុរសប្រេស៊ីល និងក្រុម Barcelona ត្រូវបានចាប់ខ្លួន និងដាក់គុក បន្ទាប់ពីប៉ូលីសបានទទួលរបាយការណ៍អំពីការរំលោភផ្លូវភេទរបស់កីឡាកររូបនេះ។
Dani Alves ដែលស្ថិតនៅក្នុងទីក្រុង Barcelona ត្រូវបានចាប់ខ្លួននៅក្នុងទីក្រុងតែម្ដង។ Alves ត្រូវបានគេចោទប្រកាន់ពីបទធ្វើបាបនារីម្នាក់ក្នុងក្លឹបរាត្រី។ នៅខែធ្នូឆ្នាំ 2022 Dani Alves បានក្លាយជាកីឡាករចំណាស់ជាងគេបំផុតដែលលេងឱ្យប្រេស៊ីលក្នុងការប្រកួត World Cup ទល់នឹង Cameroon នៅកាតាឆ្នាំ 2022 ។
Alves គឺជាកីឡាករបាល់ទាត់ដែលជោគជ័យបំផុតក្នុងប្រវត្តិសាស្ត្រជាមួយនឹងពានរង្វាន់ធំៗចំនួន 43 នៅក្នុដៃរបស់គាត់។ ហើយឥឡូវនេះ វីរបុរសបាល់ទាត់កំពុងប្រឈមមុខនឹងការចោទប្រកាន់យ៉ាងធ្ងន់ធ្ងរលើគាត់។
យោងតាមរបាយការណ៍របស់ Cesena Ser នៅក្នុងប្រទេសអេស្ប៉ាញ Dani Alves ត្រូវបានចាប់ខ្លួនកាលពីថ្ងៃសុក្រសប្តាហ៍មុន បន្ទាប់ពីប៉ូលីសបានទទួលរបាយការណ៍ពីស្ត្រីម្នាក់ដែលអះអាងថា Alves បានប៉ះប្រដាប់ភេទរបស់នាងពេលនៅក្នុងក្លឹបរាត្រីមួយដោយគ្មានការយល់ព្រមពីនាង។
Alves ក៏ត្រូវបានគេចោទប្រកាន់ផងដែរថាបានបង្ខំនាងឱ្យទៅបង្គន់នៅក្លឹបរាត្រីដើម្បីប្រព្រឹត្តអំពើទុច្ចរិត។ មួយថ្ងៃបន្ទាប់ពីរបាយការណ៍របស់ Cedena Ser តុលាការបានបន្តបញ្ជាឱ្យចាប់ខ្លួន Alves ។
តុលាការក្នុងទីក្រុងបាសេឡូណា តាមរយៈសេចក្តីថ្លែងការណ៍ផ្លូវការរបស់ខ្លួនមិនបានលើកឡើងជាក់លាក់អំពីឈ្មោះរបស់ Dani Alves នោះទេ។ ប៉ុន្តែផ្អែកលើរបាយការណ៍របស់ Cedena Ser ប្រព័ន្ធផ្សព្វផ្សាយបានសន្និដ្ឋានថាវាគឺជា Dani Alves ។ តុលាការបានសរសេរថា: “បុរសម្នាក់ត្រូវបានចាប់ខ្លួនពីបទឧក្រិដ្ឋកម្មផ្លូវភេទដែលបណ្តាលឱ្យមានពាក្យបណ្តឹងរបស់ស្ត្រី។ ឧបទ្ទវហេតុនេះបានកើតឡើងនៅក្នុងក្លឹបរាត្រីក្នុងព្រឹត្តិការណ៍មួយនៅទីក្រុងបាសេឡូណា” ។
Brazilian football player Dani Alves is under investigation for an alleged sexual assault that took place in Barcelona last month, the Catalonia Higher Court of Justice confirmed. https://t.co/Bl6PFrPjiE — CNN International (@cnni) January 11, 2023
Brazilian football player Dani Alves is under investigation for an alleged sexual assault that took place in Barcelona last month, the Catalonia Higher Court of Justice confirmed. https://t.co/Bl6PFrPjiE
— CNN International (@cnni) January 11, 2023
ក្លឹបរបស់គាត់ Pumas បានបន្តបញ្ចប់កិច្ចសន្យារបស់កីឡាករភ្លាមៗក្នុងការគាំទ្រជនរងគ្រោះដែលអះអាងថាត្រូវបានធ្វើបាបដោយ Alves ។ បន្ទាប់មកប៉ូលីសបានទទូចថា Dani Alves គួរតែត្រូវបានចាប់ខ្លួនដោយប៉ូលីសនៅតែបន្តស្វែងរកភស្តុតាងបន្ថែមដើម្បីគាំទ្រការចោទប្រកាន់នេះ។
តំណាង និងទីប្រឹក្សាផ្នែកច្បាប់របស់ Dani Alves បានចេញសេចក្តីថ្លែងការណ៍មួយ ដោយបដិសេធថា Alves បានរំលោភលើកិត្តិយសរបស់ស្ត្រីផ្សេង។
Dani Alves ក៏បាននិយាយផងដែរថា ៖”ខ្ញុំនៅក្នុងក្លឹបរាត្រីមួយដែលពោរពេញដោយអ្នកទស្សនាដោយមិនរំលោភលើភាពឯកជនរបស់នរណាម្នាក់នោះទេ” ។
? BREAKING: Dani Alves has been sent to prison without any option of bail. pic.twitter.com/sF28OX1VNy — Barstool Football (@StoolFootball) January 20, 2023
? BREAKING:
Dani Alves has been sent to prison without any option of bail. pic.twitter.com/sF28OX1VNy
— Barstool Football (@StoolFootball) January 20, 2023
Alves និយាយថា៖ “ខ្ញុំមិនស្គាល់មនុស្សស្រីនោះទេ.. ហើយធ្វើម៉េចខ្ញុំហ៊ានធ្វើរឿងបែបនេះចំពោះមនុស្សស្រីដែលខ្ញុំតែងតែគោរព”។ សព្វថ្ងៃនេះ ដូចដែលអត្ថបទនេះកំពុងត្រូវបានសរសេរ Dani Alves ត្រូវបានប៉ូលីសចាប់ខ្លួន និងដាក់ក្នុងគុកកាលពីប៉ុន្មានម៉ោងមុន។ វាត្រូវបានគេយល់ថា Alves ត្រូវបានឃុំខ្លួនដោយគ្មានសិទ្ធិធានា ព្រោះតុលាការបារម្ភប្រសិនបើកីឡាកររត់ចេញពីប្រទេសភ្លាម។
Jadon Sancho បានត្រលប់មកហ្វឹកហាត់ Man Utd នៅ Carrington ក្នុងសប្តាហ៍នេះ ប៉ុន្តែនឹងមិនចូលរួមក្នុងការប្រកួតថ្ងៃអាទិត្យជាមួយក្រុម Arsenal នេះបើយោងតាម Erik ten Hag ។
Ten Hag កំពុងទន្ទឹងរង់ចាំឃើញខ្សែបម្រើស្លាបត្រឡប់មកវិញនៅលើទីលាន ប៉ុន្តែនិយាយថានៅតែមាន “ផ្លូវដែលត្រូវទៅ” ហើយកីឡាករពាក់លេខ 25 រូបនេះនឹងមិនប្រញាប់ប្រញាល់នោះទេ។
«វាគឺជាជំហានបន្ទាប់។ គាត់នៅតែមានផ្លូវត្រូវទៅ»។
«គាត់នឹងដឹងរឿងនោះ ប៉ុន្តែនៅពេលដែលគាត់ធ្វើឲ្យមានការរីកចម្រើន នោះគាត់អាចត្រឡប់មកវិញក្នុងក្រុមសម្រាប់ការប្រកួត»។
«ពិតណាស់ យើងទាំងអស់គ្នាសង្ឃឹមថា ពីព្រោះគាត់ជាកីឡាករបាល់ទាត់ដ៏អស្ចារ្យម្នាក់។ គាត់មានជំនាញដ៏អស្ចារ្យដែលអាចជួយយើងបាន។ យើងត្រូវរ៉ាប់រងការប្រកួតជាច្រើន ប៉ុន្តែជាពិសេស យើងត្រូវការកីឡាករដែលមានគុណភាព ហើយគាត់ពិតជាកីឡាករដែលមានគុណភាពដែលអាចបង្កើតភាពខុសគ្នា ហើយយើងកំពុងរំពឹងពីគាត់»។
Sancho មិនបានលេងឱ្យ Man Utd ចាប់តាំងពីស្មើ 1-1 នៅ Chelsea កាលពីខែតុលាមុន។
ប្រភព៖ Man United