(Khmer) គិតត្រឹមសប្តាហ៍ទី ១៧ ខ្សែប្រយុទ្ធ Josemar Balanga របស់ក្លិប Tiffy Army FC នៅតែបន្តឈរឈ្មោះក្នុងតារាង Top Scorers នៃការរកគ្រាប់បាល់បានច្រើនជាងគេនៃលីគកំពូលកម្ពុជា Cambodia Premier League សម្រាប់រដូវកាល ២០២៤-២៥។

កីទ្បាករសញ្ជាតិព័រទុយហ្គាល់វ័យ ២៧ ឆ្នាំរូបនេះឆ្លងកាត់ការលេង ១១ ប្រកួតនៅក្នុងលីគកំពូលកម្ពុជា រូបគេបានក្លាយជាកីទ្បាកររបរទេសទី១ ដែលអាចរកគ្រាប់បាល់បានរហូតដល់ទៅ ១៣ គ្រាប់ឯណោះ។ Josemar Balanga នៅតែបន្តឈរឈ្មោះក្នុងតារាង Top Scorers កំពូលអ្នកស៊ុតបញ្ចូលទីបានច្រើនជាងគេក្នុងចំណាមកីឡាករបរទេសទាំង ៨ នាក់មកពីផ្សេងៗគ្នា។

យ៉ាងណា ក៏ចូលរួមសោកស្តាយដល់ Josemar Balanga ផងដែរ ដែលរូបគេបានរបួសដាច់សរសៃជង្គង់ ACL អំទ្បុងពេលទល់នឹងក្រុមផ្ទះភ្នំពេញក្រោន នៅឯកីទ្បដ្ឋាន Smart RSN កាលពីថ្ងៃទី២៣ ខែវិច្ឆិកា ឆ្នាំ២០២៤ កន្លងទៅ សម្រាប់ការប្រកួតជុំទី ២ នៃលីគកំពូលកម្ពុជា Cambodia Premier League រដូវកាល ២០២៤-២៥។ បញ្ហាខាងលើនេះ Josemar Balanga ត្រូវសម្រាកព្យាបាលរបួស យ៉ាងហោចណាស់ក៏ ៨ ឬ ៩ ខែ ទើបអាចវិលត្រលប់មកទីលានវិញ។ លោក ភា សុភ័ក្រ្កា ក៏បាននិយាយផងដែរថា ប្រសិនបើ Josemar Balanga មិនមានរបួសប្រហែលគាត់អាចរកគ្រាប់បាល់បាន ២៥ គ្រាប់ហើយ បើគិតមកទល់នឹងពេលនេះ។

គួរជម្រាបថា បន្ទាប់ពីអវត្តមាន Josemar Balanga គឺបានធ្វើឱ្យតំបន់ខាងលើរបស់ក្រុម Tiffy Army FC ដឹកនាំដោយលោកគ្រូ ភា ភ័ក្រ្កា ជួបការលំបាកយ៉ាងខ្លាំងក្នុងបញ្ចប់ទីរបស់ដៃគូប្រកួត ខណៈដែល ៤ ប្រកួតចុងក្រោយ គឺចាញ់ ៣ និងឈ្នះ ១ ប្រកួតប៉ុណ្ណោះ។ បច្ចុប្បន្ននេះ ពួកគេក៏កំពុងស្ថិតនៅចំណាត់ថ្នាក់លេខរៀងទី ៨ ផងដែរ សម្រាប់ការប្រកួតលីគកំពូលកម្ពុជា Cambodia Premier League សប្តាហ៍ទី ១៧ រដូវកាល ២០២៤-២៥៕

(Khmer) គ្រូបង្វឹកថ្មីរបស់ក្រុមជម្រើសជាតិឥណ្ឌូនេស៊ី លោក Patrick Kluivert បានកំណត់គោលដៅដឹកនាំក្រុមទ្បើងទៅលេង World Cup ឆ្នាំ២០២៦ ខាងមុខនេះ។ លោក Patrick Kluivert ត្រូវបានតែងតាំងជាគ្រូបង្វឹកថ្មីរបស់ក្រុមជម្រើសជាតិឥណ្ឌូនេស៊ី ជាមួយនឹងកិច្ចសន្យារយៈពេល ២ ឆ្នាំ និងជម្រើស ២ ឆ្នាំបន្ថែមទៀត បន្ទាប់ពីលោក Shin Tae-yong ត្រូវបានបញ្ចប់តួនាទី ដោយសារដឹកនាំក្រុមមិនអាចឆ្លងផុតវគ្គចែកពូល B ក្នុងពានរង្វាន់ ASEAN Cup ឆ្នាំ២០២៤ កាលពីកន្លងទៅ។

យ៉ាងណា ក្រោយពីធ្វើការបង្ហាញខ្លួនជាផ្លូវការ ក្នុងនាមជាគ្រូបង្វឹកថ្មី លោក Patrick Kluivert បានបង្ហាញពីគោលដៅក្នុងការដឹកនាំក្រុមទ្បើងទៅលេង World Cup ឆ្នាំ២០២៦ ជាលើកដំបូងដែល ៣ ប្រទេសរួមគ្នាធ្វើជាម្ចាស់ផ្ទះ (អាម៉េរិក, កាណាដា និងម៉ិកស៊ិក)។ លោក Patrick Kluivert បានថ្លៃងនៅក្នុងសន្និសីទសារព័ត៌មានថា៖ «អ្នក​រាល់​គ្នា​ដឹង​ថា​យើង​មាន​បួន​ប្រកួត​ត្រូវ​លេង ហើយ​ទាំង​បួន​គឺ​ដូច​ជា​វគ្គ​ផ្តាច់ព្រ័ត្រ។ យើងត្រូវតែសម្រេចបាននូវអ្វីដែលយើងចង់បាន។ អ្វី​ដែល​សំខាន់​បំផុត​ គឺ​បង្កើត​លទ្ធផល និង​ធ្វើ​ឱ្យ​មាន​មាន​ឥទ្ធិពល។ មនុស្សគ្រប់រូបត្រូវតែមានឆន្ទៈដើម្បីសម្រេចបាននូវគោលដៅនេះហើយយើងត្រូវរួមគ្នាកសាងនេះ។ មនុស្សគ្រប់រូបត្រូវឈរជាមួយគ្នា»។

គូសបញ្ជាក់ថា ក្រុមជម្រើសជាតិឥណ្ឌូនេស៊ី ដែលស្ថិតនៅក្នុងពូល C ជាមួយនឹងជប៉ុន អូស្ត្រាលី អារ៉ាប៊ីសាអូឌីត បារ៉ែន និងចិន សម្រាប់ការប្រកួតជម្រុះ World Cup ជុំទី ៣ តំបន់អាស៊ី ខណៈដែលពួកគេលេងបាន ៦ ប្រកួតមាន ៦ ពិន្ទុឈរនៅចំណាត់ថ្នាក់លេខ ៣ ក្នុងពូល និងនៅសល់ ៤ ប្រកួត។ ដូច្នេះហើយ សម្រាប់លោក Patrick Kluivert ដែលជាអតីតខ្សែប្រយុទ្ធជម្រើសជាតិហូឡង់ នឹងដឹកនាំក្រុមក្នុងការប្រកួតជាមួយអូស្ត្រាលី ក្នុងវគ្គជម្រុះ World Cup ជុំទី ៣ តំបន់អាស៊ី នាថ្ងៃទី២០ ខែមីនា ឆ្នាំ២០២៥ ខាងមុខនេះ៕

ប្រភព៖ Ballthai

(Khmer) អ្នកចាំទីរបស់ក្លិបព្រះខ័នរាជស្វាយរៀង វីរៈ ដារា កំពុងតែឈរតំណែង​ទី​មួយ​ដែល​រក្សា​សំណាញ់​ទី​មិន​ឱ្យគេទាត់​បាន​ច្រើន​ប្រកួត​ជាង​គេ​ក្នុង​រដូវ​កាល​នេះគិតត្រឹមសប្តាហ៍ទី ១៧ នៃក្របខណ្ឌលីគកំពូលកម្ពុជា Cambodia Premier League រដូវកាល ២០២៤-២៥។

អ្នកចាំទីសញ្ជាតិខ្មែរវ័យ ២១ ឆ្នាំរូបនេះបាន​បិទមិនឱ្យយ​គេ​ទាត់​ចូល​បាន ១០ ប្រកួត ដោយចុងក្រោយជួយព្រះខ័នរាជស្វាយរៀង ឈ្នះ ២-០ លើបឹងកេត កាលពីអាទិត្យមុន។ ជាមួយគ្នានេះ អ្នកចាំទី យី ប៊ុនហេង របស់ក្លិបអង្គរថាយហ្គឺរ ស្ថិតនៅចំណាត់ថ្នាក់លេខ ២ ដោយបិទមិនឱ្យគេទាត់ចូលបាន ៧ ប្រកួត ស្របពេលអ្នកចាំទី រ៉េត លីហេង របស់ក្លិបណាហ្គាវើលដ៍ ចំនួន ៥ ប្រកួត និងអ្នកចាំទី ហ៊ុល គឹមហ៊ុយ របស់ក្លិបវិសាខា ចំនួន ៥ ប្រកួត។ គួរជម្រាបថា កាលពីរដូវកាល ២០២៣-២៤ អ្នកចាំទី វីរៈ ដារា បានក្លាយជា​ម្ចាស់ដៃស្រោមមាស បន្ទាប់ពីរូបគេបិទមិនឱ្យគេទាត់ចូល ៩ ប្រកួត ជាមួយនឹងឈ្នះពានរង្វាន់ CPL និង HSC ផងដែរ៕

(Khmer) នៅលើពិភពលោកនេះក្លិបបាល់ទាត់ដែលឈ្នះពានច្រីនជាងគេគឺ Al Ahly របស់ប្រទេសអេហ្ស៊ីប។ សម្រាប់រដូវកាលនេះ ពួកគេកំពុងនាំមុខក្នុងតារាង ខណៈដែលឆ្នាំទៅមិញគេជាម្ចាស់ជើងឯកអេហ្ស៊ីប Premier League។ ក្លិបនេះត្រូវបានបង្កីតឡីងនៅឆ្នាំ ១៩០៧ គិតមកទល់ពេលនេះមានអាយុកាល១១៧ឆ្នាំ។ ក្លិប Al Ahly បានឈ្នះពានសរុបចំនួន ១២៣ ច្រីនជាងគេដែលក្នុងនោះរួមមានពានជើងឯកអេហ្ស៊ីប Premier League ចំនួន ៤៣ដង, Egypt Cups ៣៩ដង, CAF Champions Leagues ១២ដង, Egyptian Super Cups ១៤ដង, CAF Super Cups ៨ដង និង African Cup Winners’ Cups ៤ដង។

ចំណែកឯ​ក្លិបឈរចំណាត់ថ្នាក់ទី ២ គឺ Celtic ( ស្កុតឡែន) ចំនួន១១៩ ទី៣ ក្លិប Rangers ( ស្កុតឡែន) ១១៨ដង ទី៤ ក្លិប Atletico Penarol (អ៊ុយរ៉ូហ្គាយ) ១១៧ដង ទី៥ ក្លិប Nacional ( ស្កុតឡែន) ១១៦ និងទី ៦ ក្លិប Real Madrid (អេស្ប៉ាញ) ចំនួន ១០២។ ដោយឡែកក្លិបបិសាចក្រហម Manchester United ស្ថិតនៅចំណាត់ថ្នាក់ទី ១៤ ឈ្នះពាន៦៨នៅពីក្រោម Juventus  ៧១ ក្លិប Ajax ៧៣ ក្លិប Olympiakos ៨០ ក្លិប Bayern Munich ៨៣ ក្លិប Al Faisay ៨៤ ក្លិបPorto ៨៥ ក្លិបBenfica ៨៥ និងក្លិប FC Barcelona ៩៨ ជាដើម៕

(Khmer) បន្ទាប់ពីរៀបការបានជាង 30 ឆ្នាំ លោក Pep Guardiola និងភរិយា Cristina Serra បានសម្រេចចិត្តចែកផ្លូវគ្នាហើយ។

ការសម្រេចចិត្តនេះត្រូវបានធ្វើឡើងនៅក្នុងខែធ្នូឆ្នាំមុន ហើយប្តីប្រពន្ធពីរនាក់នេះបានប្រកាសពីជម្រើសរបស់ពួកគេ ប៉ុន្តែបានស្នើសុំ រក្សាឯកជនភាព។

Pep Guardiola និង Cristina Serra គឺជាគូស្នេហ៍ដែលមានស្ថេរភាពបំផុតនៅក្នុងពិភពបាល់ទាត់។ ពួកគេបានជួបគ្នានៅឆ្នាំ 1994 នៅពេលដែលអតីតតារា Barcelona រូបនេះមានអាយុ 23 ឆ្នាំ ហើយនាងមានអាយុ 20 ឆ្នាំ។ ពួកគេបានធ្លាក់ក្នុងអន្លង់ស្នេហ៍ ប៉ុន្តែទើបតែរៀបការនៅឆ្នាំ 2014 ដោយបានរៀបចំពិធីមួយនៅ Matadepera (Barcelona)។

ពួកគេមានកូនបីនាក់។ Maria Guardiola អាយុ 24 ឆ្នាំដែលមានអ្នកតាមដានជិតមួយលាននាក់នៅលើ Instagram ។ Marius អាយុ 22 ឆ្នាំ បច្ចុប្បន្នរស់នៅក្នុងទីក្រុងឌូបៃ និងបម្រើការជានាយកប្រតិបត្តិនៃក្រុមហ៊ុនចំនួន 3 ដែលក្រុមហ៊ុនមួយមានជំនាញផ្នែកផ្សាយពាណិជ្ជកម្ម និងទីផ្សារ និង Valentina ដែលអាយុ 17 ឆ្នាំផ្តោតលើការសិក្សារបស់នាង។

(Khmer) យោងតាមការចុះផ្សាយរបស់សារព័ត៌មានអង់គ្លេស BBC បានឱ្យដឹងថា ក្លិប Everton បានឈានដល់កិច្ចព្រមព្រៀង ក្នុងការតែងតាំងលោក David Moyes ជាគ្រូបង្វឹកថ្មីរបស់ពួកគេលើកទី ២ ជាមួយនឹងកិច្ចសន្យារយៈពេល ២ ឆ្នាំកន្លះនៅឯកីទ្បដ្ឋាន Goodison Park ។ បុរសសញ្ជាតិស្កុតឡេនវ័យ ៦១ ឆ្នាំរូបនេះត្រូវមកជំនួសលោក Sean Dyche ដែលក្លិបបានបញ្ចប់តួនាទី កាលពីថ្ងៃ០៩ ខែមករា ឆ្នាំ២០២៥ កន្លងទៅ បន្ទាប់ពីលោកដឹកនាំក្រុមធ្លាក់ដល់លេខរៀងទី ១៦ នៅក្នុងក្របខណ្ឌ English Premier League ដែលនៅគម្លាតពីក្រុមនៅក្រៅតំបន់កាត់ចោលតែ ១ពិន្ទុប៉ុណ្ណោះ ក្រោយឆ្លងកាត់ការប្រកួត ១៩ លើករដូវកាលនេះ។

លោក David Moyes ធ្លាប់កាន់តំណែងជាគ្រូបង្វឹករបស់ក្លិប Everton ចន្លោះពីឆ្នាំ ២០០២ ដល់ ២០១៣ មុនពេលផ្លាស់ទៅ Manchester United, Real Sociedad, Sunderland និង West Ham។ គួរបញ្ជាក់ថា លោក David Moyes បានទំនេរពីការងារ ក្រោយចាកចេញ West Ham United ដែលលោកបានដឹកនាំឈ្នះជើងឯកពានលំដាប់ទី៣ អឺរ៉ុប Europa Conference League កាលឆ្នាំ២០២៣៕

ប្រភព៖ BBC

(Khmer) ការប្រកួតប្រជែងតំណែងជើងឯក នៃក្របខណ្ឌលីគកំពូលកម្ពុជា Cambodia Premier League រដូវកាល ២០២៤-២៥ កាន់តែក្ដៅគគុកហើយ បន្ទាប់ពីក្រុមម្ចាស់ផ្ទះ គឺព្រះខ័នរាជស្វាយរៀង ដណ្តើមបាន៣ពិន្ទុពីបឹងកេត កាលពីយប់មិញ។

ជាការពិតណាស់ នៅក្នុងជំនួបសប្តាហ៍ទី១៧ នៃក្របខណ្ឌលីគកំពូលកម្ពុជា Cambodia Premier League កាលពីយប់មិញ ក្រុមម្ចាស់ផ្ទះ គឺព្រះខ័នរាជស្វាយរៀង បានទទួលជ័យជម្នះទៅលើក្រុមបឹងេកត នៅក្នុងដី ដោយបញ្ចប់លទ្ធផល ២-០ ខណៈដែល ២ គ្រាប់របស់ក្រុមការពារតំណែងជើងឯក ដឹកនាំដោយលោកគ្រូបង្វឹក Pep Munoz រកបានដោយខ្សែបម្រើប្រយុទ្ធ មិន រតនៈ នៅនាទី ៣ និងខ្សែប្រយុទ្ធ Cristian Silveira នៅនាទី​ ៩០+៥ ផងដែរ។

ក្រោយពីទទួលបាន ៣ ពិន្ទុយ៉ាងមានសារសំខាន់នេះ ក្រុមព្រះខ័នរាជស្វាយរៀង បានធ្វើឱ្យការប្រជែងតំណែងជើងឯក នៃក្របខណ្ឌលីគកំពូលកម្ពុជា Cambodia Premier League រដូវកាល ២០២៤-២៥ កាន់តែក្ដៅគគុក ពោលគឺនៅគម្លាតគ្នាត្រឹមតែមួយពិន្ទុប៉ុណ្ណោះ ពីក្រុមឈរនៅកំពូលតារាង (ភ្នំពេញក្រោន) បន្ទាប់ពីពួកគេស្មើគ្នា ០-០ ជាមួយនឹងក្រុមណាហ្គាវើលដ៍ ខណៈដែលម្ចាស់ជើងឯក ៨ សម័យកាល គឺភ្នំពេញក្រោន ទើបតែលេងបាន ១៥ ប្រកួតប៉ុណ្ណោះ។ គួរជម្រាបថា ការប្រកួតសប្តាហ៍ទី ១៨ និង ១៩ នៃក្របខណ្ឌលីគកំពូលកម្ពុជា Cambodia Premier League សម្រាប់ក្រុមភ្នំពេញក្រោន ត្រូវលេងនៅក្រៅដីទាំងពីរជើងនៅថ្ងៃទី ១៨ និង ២៦ ខែមករា ឆ្នាំ២០២៥ ដោយត្រូវប៉ះគ្នាជាមួយនឹង LIFE FC និង ព្រះខ័នរាជស្វាយរៀង៕

(Khmer) លោក Freddy Gonzalez ដែលជានាយក និងជាអ្នកចាត់ការទូទៅក្រុមជម្រើសជាតិហ្វីលីពីន បានបញ្ជាក់យ៉ាងច្បាស់ថា លោកនឹងមិននាំចូល ឬជ្រើសរើសកីឡាករចូលសញ្ជាតិ លើកីឡាករណា ដែលគ្មានជាប់សាច់ឈាម ឬជាប់មរតកហ្វីលីពីនឡើយ ខណៈដែលសហព័ន្ធកីឡាបាល់ទាត់ហ្វីលីពីន (PFF) បានសម្តែងការព្រងើយកន្តើយចំពោះការនាំចូល​កីឡាករចូលសញ្ជាតិ។

លោក Gonzalez បាននិយាយ៖ “ខ្ញុំ​នឹង​មិនរើស​យក​កីឡាករ​ណា​ដែល​មិន​មាន​មរតកឈាម​ហ្វីលីពីន​នោះ​ទេ។ នោះមិនមែនជាអ្វីដែលខ្ញុំចង់ធ្វើនោះទេ”។

«ខ្ញុំជឿថាយើងមានកីឡាករហ្វីលីពីនដែលមានទេពកោសល្យគ្រប់គ្រាន់នៅទីនេះ និងក្រៅប្រទេស ដូច្នេះយើងមិនចាំបាច់ទៅផ្លូវនោះ ហើយព្យាយាមធ្វើឱ្យកីឡាករបរទេសដែលមិនពាក់ព័ន្ធជាមួយប្រទេស និងគ្មានឈាមហ្វីលីពីន ដែលមិនមានទំនាក់ទំនងជាមួយហ្វីលីពីននោះទេ”។

តែម្ដងគត់​ដែល​ហ្វីលីពីន​ដាក់​កីឡាករ​ចូលសញ្ជាតិក្នុង​ការ​ប្រកួត​ក្រុមបុរសគឺនាំចូល ខ្សែ​ប្រយុទ្ធ​អេស្ប៉ាញ Bienvenido Marañón ក្នុង​ឆ្នាំ 2021 ដែល​រក​បាន​បួន​គ្រាប់​ក្នុង​ការ​បង្ហាញ​ខ្លួន 15 លើក។

«ខ្ញុំមិនរិះគន់អ្វីដែលពួកគេបានធ្វើជាមួយ Marañón ទេ។ Marañón គឺជាកីឡាករដ៏អស្ចារ្យម្នាក់។ ខ្ញុំប្រាថ្នាថាយើងនឹងមាននរណាម្នាក់ល្អដូចគាត់។ ប៉ុន្តែវាមិនមែនជាអ្វីដែលខ្ញុំចាប់អារម្មណ៍ក្នុងការធ្វើនោះទេ គឺការទទួលបានកីឡាករអេស្ប៉ាញ ឬនរណាម្នាក់ ហើយធ្វើឱ្យពួកគេក្លាយជាជនជាតិហ្វីលីពីន។ យើង​ចង់​ធ្វើ​វា​ជាមួយ​កីឡាករ​ហ្វីលីពីន កីឡាករ​ហ្វីលីពីនដែលជាប់សាច់ជាប់​ឈាម»។

Gonzalez បានធ្វើការកត់សម្គាល់នេះ ចំពេលមានការពង្រឹងសម្រាប់យុទ្ធនាការបន្ទាប់របស់ក្រុមជម្រើសជាតិ ដែលជាការប្រកួតជុំទី 3 នៃការប្រកួតជម្រុះ Asian Cup Confederation Asian Cup ក្នុងខែមីនា។

Gonzalez បាននិយាយថា ស្នូលនៃក្រុមមកពីយុទ្ធនាការ Mitsubishi Electric Cup នឹងត្រូវបានរក្សាទុកសម្រាប់ Asian Cup ប៉ុន្តែកំពុងរង់ចាំការពង្រឹងបន្ថែម។ ក្នុងអំឡុងការប្រកួត Mitsubishi Cup ក្រុមខ្លាំងក្នុងតំបន់ ថៃ ឥណ្ឌូនេស៊ី និងវៀតណាមបានប្រើ​ប្រាស់កីឡាករចូលសញ្ជាតិ។

ជាមួយនឹងការប្រកួតជម្រុះ Asian Cup ក្រោមប្រតិទិនសហព័ន្ធបាល់ទាត់អន្តរជាតិ (FIFA) Gonzalez ក៏បាននិយាយផងដែរថា ខ្សែប្រយុទ្ធរបស់ក្លិប VfL Bochum កីឡាករ Gerritt Holtmann ត្រូវបានគេរំពឹងថានឹងមាន​វត្តមានសម្រាប់ហ្វីលីពីនម្តងទៀត។

«ពួកគេជាច្រើននឹងនៅតែនៅទីនោះ។ ដូចខ្ញុំនិយាយអញ្ចឹង កីឡាករដែលមានមូលដ្ឋាននៅអាស៊ានដែលមិនត្រូវបានដោះលែងដូចជា Kevin Mendoza, Jeff Tabinas, Manny Ott, Jesse Curran ជាដើម នឹងត្រលប់មកវិញ” ។

“Gerritt Holtman នឹងត្រលប់មកវិញ។ ប៉ុន្តែបន្ទាប់មកយើងនឹងមានកីឡាករបន្ថែមដូចជា Randy Schneider, Cole Mrowka, Josef Baccay និងបងប្អូន Markanich Nick និង Anthony ។

ក្នុង​ពូល A នៃ​ការ​ប្រកួត​ជម្រុះ​ដែល​នឹង​ចាប់​ផ្តើម​នៅ​ថ្ងៃ​ទី 26 ខែ​មីនា ហ្វីលីពីន​នឹង​ប៉ះ​ម៉ាល់ឌីវ តាជីគីស្ថាន និង​ទីម័រ​ខាង​កើត។ មានតែក្រុមកំពូលៗក្នុងពូលនីមួយៗប៉ុណ្ណោះដែលនឹងទទួលបានកៅអីមួយក្នុងព្រឹត្តិការណ៍ Asian Cup ឆ្នាំ 2027 ដែលនឹងធ្វើឡើងនៅប្រទេសអារ៉ាប៊ីសាអូឌីត។

ប្រសិនបើហ្វីលីពីនមានលក្ខណៈសម្បត្តិគ្រប់គ្រាន់ នេះនឹងក្លាយជាលើកទីពីររបស់ខ្លួនក្នុងការប្រកួត Asian Cup បន្ទាប់ពីឆ្នាំ 2019 នៅពេលដែល Phil Younghusband, Stephan Shrock និង Neil Etheridge ដែល​ស្ថងិតក្រោម​ការ​ដឹកនាំរបស់​លោក Sven-Goran Eriksson ជាគ្រូបង្វឹក។

Gonzalez ក៏គ្រោងនឹងរៀបចំការប្រកួតមិត្តភាព GoTyme Cup នៅខែកញ្ញា ដើម្បីជួយរក្សាជម្រើសជាតិសម្រាប់យុទ្ធនាការរបស់ខ្លួនក្នុង Asian Cup ផងដែរ។

«ខ្ញុំ​មិន​ទាន់​អាច​បញ្ជាក់​ពី​ក្រុម​ទាំង​ពីរ​នៅ​ឡើយ​ទេ ព្រោះ​យើង​នៅ​តែ​ទទួល​ពួក​គេ។ ប៉ុន្តែ​ខ្ញុំ​អាច​បញ្ជាក់​បាន​ថា ការ​ប្រកួតមាន​មូលដ្ឋាន​ហ្វីលីពីន។ លោក Gonzalez បាននិយាយថា អាហ្រ្វិកខាងត្បូងនឹងក្លាយជាប្រទេសមួយក្នុងចំណោមប្រទេសឹ​ដែល​ចូលរួម​ប្រកួតពាន​មិត្តភាពមួយនេះផងដែរ»។

(Khmer) សម្រាប់ឆ្នាំ ២០២៥ តារាឆ្នើមអាហ្សង់ទីន Lionel Messi កំពុងសម្លឹងទៅរកពានរង្វាន់សក្តានុពលចំនួន ៥  ដែលអាចធ្វីឱ្យរូបគេក្លាយ​ជា​កីឡាករ​ដំបូង​គេ​ដែល​អាច​ឈ្នះ​ពាន​ចំនួន ៥០ ទាំងកម្រិត0ក្លិបនិងអន្តរជាតិ។

កីឡាករដែលកើតនៅក្នុងទីក្រុង Rosario ឥឡូវនេះបានឈ្នះពានរង្វាន់មិនគួរឱ្យជឿចំនួន ៤៥ រួចហើយ ក្នុងអាជីពរបស់រូបគេជាមួយក្លិបផ្សេងៗដូចជាៈ Barcelona, ​​PSG និង Inter Miami រួមជាមួយនឹងពានរង្វាន់របស់គាត់ជាមួយក្រុមជម្រើសជាតិអាហ្សង់ទីន។ ចំនួនសរុបនេះមិនគិតពីរង្វាន់បុគ្គលសំខាន់ៗរបស់គាត់ទេ។ Inter Miami កំពុងរៀបចំមុនយុទ្ធនាការ MLS ថ្មីហើយ ប្រសិនបើគេអាចដណ្តើមយកពានរង្វាន់ទាំងអស់ដែលមានក្នុងឆ្នាំប្រតិទិនប្រកួតឆ្នាំនេះ Messi អាចឈានដល់ពានរង្វាន់៥០ ដ៏អស្ចារ្យ។ ពានរង្វាន់ទាំង ៥ ដែលក្លិប Inter Miami ត្រូវដណ្តីមយកក្នុងរដូវកាល ២០២៥ រួមមាន៖ ពាន MLS, Leagues Cup, FIFA Club World Cup និង Concacaf Champions Cup ។

អាហ្សង់ទីន​នឹង​ត្រូវ​ប្រកួត​ជាមួយ​អេស្ប៉ាញ​ក្នុង​វគ្គ​ផ្តាច់ព្រ័ត្រ ប៉ុន្តែ​ការប្រកួតនេះ​មិន​ទាន់​បានបញ្ជាក់​កាលបរិច្ឆេទ​នៅឡើយទេ ហើយ​វា​អាច​នឹង​មាន​ហានិភ័យ​ដែល​អាច​នឹង​លេង​នៅ​ឆ្នាំ ២០២៦។ ការឈ្នះពានចំនួនប្រាំនៅឆ្នាំ២០២៥ គឺជាការប្រកួតប្រជែងដែលមានមហិច្ឆតាខ្ពស់ និងជាសមិទ្ធិផល របស់គាត់ជាមួយ Inter Miami ដែលគាត់ទើបតែបានឈ្នះពានពីរប៉ុណ្ណោះគឺ Leagues Cup ឆ្នាំ 2023 និង 2024 Supporters’ Shield ។ Inter Miami ចាប់ផ្តើមរដូវកាល MLS របស់ពួកគេក្នុងខែកុម្ភៈ ហើយត្រូវជួបជាមួយក្លឹបយក្សម៉ិកស៊ិក Club America នៅសប្តាហ៍ក្រោយ ជាការប្រកួតមិត្តភាពមុនបើករដូវកាល៕