(English) ក្លិប Tottenham Hotspur បានយល់ព្រមលើកិច្ចព្រមព្រៀងតម្លៃ ៥ លានផោនដើម្បីចុះហត្ថលេខាលើកីឡាករអន្តរជាតិជប៉ុន Kota Takai ពី Kawasaki Frontale។ ខ្សែការពារកណ្តាលវ័យ ២០ ឆ្នាំត្រូវបានគេរំពឹងថានឹងមកដល់ក្លិបនៅខែក្រោយ ហើយនឹងជាផ្នែកមួយស្ថិតក្នុងជម្រើសដំបូងរបស់លោក Thomas Frank ផងដែរ។

Kota Takai ទើបតែបានចូលលេងក្នុងឈុតធំ សាម៉ូរៃខៀវជប៉ុន ចំនួន ២ ប្រកួតប៉ុណ្ណោះ ក្នុងការប្រកួតជម្រុះ World Cup ឆ្នាំ២០២៦ ប្រចាំតំបន់អាស៊ី ដែលត្រូវលេងជាមួយនឹងក្រុមជម្រើសជាតិចិន កាលពីខែសីហា ឆ្នាំ២០២៤ មកម្ល៉េះ។ គួរជម្រាបថា Takai បានដើរតួយ៉ាងសំខាន់ក្នុងក្រុម Kawasaki Frontale ដែលរួមចំណែកជួយក្រុមឈ្នះជើងឯក Japanese Super Cup កាលឆ្នាំ ២០២៤ ជាពេលរូបគេត្រូវបានបោះឆ្នោតជាប់ជាកីឡាករវ័យក្មេងល្អបំផុតរបស់ប្រទេសនៅឆ្នាំនោះផងដែរ ក្នុងនាមជាកីទ្បារបស់ជប៉ុន៕

ប្រភព៖ BBC