(English) FIFA និងក្រុមប្រឹក្សាភិបាលសមាគមបាល់ទាត់អន្តរជាតិ (IFAB) បានអនុម័តច្បាប់ថ្មីមួយដែលហាមឃាត់កីឡាករមិនឱ្យបិទមាត់របស់ពួកគេដោយអាវ ដៃ ឬវត្ថុផ្សេងទៀតនៅពេលនិយាយទៅកាន់គូប្រកួតរបស់ខ្លួន ។

ការធ្វេីដូចនេះគឺជាការខិតខំប្រឹងប្រែង ប្រយុទ្ធប្រឆាំងនឹងការរើសអើងជាតិសាសន៍ និងការរំលោភបំពានពាក្យសំដីនៅលើទីលាន។ នៅក្នុងប្រព័ន្ធផ្សព្វផ្សាយអេស្ប៉ាញ នេះគេហៅថា’’ច្បាប់ “Vinicius” ដោយសារតែវាកើតចេញពីឧប្បត្តិហេតុថ្មីៗទៅលើ កីឡាករ Vinicius Junior ក្នុងអំឡុងពេលប្រកួតវគ្គ Playoff Champions League ជាមួយក្លិប Benfica កាលពីសប្តាហ៍មុននៅទីក្រុង Lisbon។ កីឡាករ Gianluca Prestianni របស់ក្រុម Benfica ដែលត្រូវបានចោទប្រកាន់ថាបានហៅ Vinicius Junior របស់ក្រុម Real Madrid ថាជា “ស្វា” ។ ការសម្រេចចិត្តនេះត្រូវបានសម្រេចនៅក្នុងកិច្ចប្រជុំប្រចាំឆ្នាំរបស់ IFAB កាលពីថ្ងៃសៅរ៍ ទី២៨ ខែកុម្ភៈ ដែលអ្នកតាក់តែងច្បាប់បាល់ទាត់បានយល់ព្រមហាមឃាត់កាយវិការដែលអនុញ្ញាតឱ្យកីឡាករលាក់បាំងការប្រមាថ ឬភាសាប្រមាថពីអាជ្ញាកណ្តាល និងកាមេរ៉ា ។

ជុំវិញនឹងបញ្ហានេះលោក Infantino ប្រធាន FIFA អំពាវនាវឱ្យមានកាតក្រហមសម្រាប់កីឡាករដែលយកដៃបិទមាត់ ខណៈកាតលឿងកំពុងត្រូវបានពិភាក្សាជាការដាក់ទណ្ឌកម្មដំបូងសម្រាប់ការរំលោភបំពាន ដោយបទប្បញ្ញត្តិនឹងត្រូវកែសម្រួលនៅក្នុងខែខាងមុខមុនព្រឹត្តិការណ៍ FIFA World Cup ឆ្នាំ២០២៦ នៅសហរដ្ឋអាមេរិក ម៉ិកស៊ិក និងកាណាដា។ FIFA បានធ្វើយុទ្ធនាការប្រឆាំងនឹងការរើសអើងជាតិសាសន៍ជាយូរមកហើយ ដោយបង្កើតពិធីសារដើម្បីបង្ហាញ និងដាក់ទណ្ឌកម្មជនល្មើស ប៉ុន្តែស្ថាប័នគ្រប់គ្រងទទួលស្គាល់ថាបញ្ហានេះនៅតែបន្តកើតមានទោះបីជាមានការខិតខំប្រឹងប្រែងពីមុនក៏ដោយ៕

ប្រភព៖ Tribuna