សហព័ន្ធកីឡាបាល់ទាត់ទ្វីបអាស៊ី AFC បានធ្វើការពិន័យលើក្លិប Johor Darul Ta’zim (JDT) ចំនួន ២៤,០០០ ដុល្លារអារម៉េរិក បន្ទាប់ពីមានអាកប្បកិរិយាមិនសមរម្យរបស់អ្នកគាំទ្ររបស់ខ្លួន អំឡុងពេលប្រកួត AFC Champions League Elite 2024-25 ជើងទី ២ ជាមួយនឹង Buriram United កាលពីថ្ងៃទី១១ ខែមីនា ឆ្នាំ២០២៥ កន្លងទៅ។

បញ្ហាខាងលើនេះកើតទ្បើង បន្ទាប់ពីក្រុម Johor Darul Ta’zim បានធ្លាក់ចេញពីក្របខណ្ឌ AFC Champions League Elite ដែលពួកគេចាញ់ ០-១ ក្នុងដី ធ្វើឱ្យអ្នកគាំទ្រមួយចំនួនបានគប់ដបទឹកដោយចេតនាចូលក្នុងទីលាន ដែលជាសកម្មភាពមួយត្រូវបានចាត់ទុកថាជាការបំពានវិន័យយ៉ាងធ្ងន់ធ្ងរដោយបទប្បញ្ញត្តិរបស់ AFC ។

គួរបញ្ជាក់ថា ទង្វើខុសឆ្គងបែបនេះមិនត្រឹមតែធ្វើឱ្យខូចមុខមាត់ប៉ុណ្ណោះទេ ថែមទាំងបង្កហានិភ័យសុវត្ថិភាពដល់កីឡាករ និងមន្ត្រីផងដែរ៕

ប្រភព៖ ASEANFOOTBALL