លោក Gianni Infantino ប្រធាន FIFA បានបង្ហាញផែនការមួយក្នុងការបង្កើតក្រុមហ៊ុនដែលមានទឹកប្រាក់ជាង ២០ ពាន់លានដុល្លារ ស​ម្រាប់ដំណើរការព្រឹត្តិការណ៍បាល់ទាត់ពិភពលោក World Cup ជាមួយវិនិយោគិនឯកជន រួមទាំងគ្រួសារ Kushner ផងដែរ។ ផែនការរបស់លោក Infantino ក្នុងការបង្កើតក្រុមហ៊ុនបុត្រសម្ព័ន្ធពាណិជ្ជកម្ម ដែលនឹងត្រូវគេហៅថា FIFA Forward Enterprise (FFE) គឺសម្រាប់រៀបចំដំណេីររការប្រកួតដូចជា World Cup និង Club World Cup ។

FIFA បាននិយាយនៅក្នុងសេចក្តីថ្លែងការណ៍មួយថា FFE នឹងប្រមូលប្រាក់បានរហូតដល់៤,២ពាន់លានដុល្លារនៅចុងឆ្នាំនេះ ដើម្បីជួយផ្តល់មូលនិធិដល់កម្មវិធីអភិវឌ្ឍន៍ “ដោយផ្អែកលើការវាយតម្លៃភាគហ៊ុនដំបូងចំនួន២០ពាន់លានដុល្លារ ដោយជ្រើសរើសដោយប្រុងប្រយ័ត្នយកវិនិយោគិនរយៈពេលវែង ដែលនឹងទិញភាគហ៊ុនភាគតិច ដែលមិនមានការគ្រប់គ្រង។

FIFA បច្ចុប្បន្នគឺជាសមាគមមិនស្វែងរកប្រាក់ចំណេញដែលមានមូលដ្ឋាននៅប្រទេសស្វីស ដែលមានសហព័ន្ធសមាជិកជាតិចំនួន២១១ របស់ខ្លួននៅទូទាំងពិភពលោក។FIFA បាននិយាយថា សមាជិកទាំងនោះត្រូវតែអនុម័តផែនការណាមួយ ហើយនឹងទទួលបានឱកាស ដើម្បីទទួលបានដើមទុនរហូតដល់ ២០លានដុល្លារជាទុនម្តង។

លោក Infantino បាននិយាយនៅក្នុងសេចក្តីថ្លែងការណ៍របស់ FIFA ថា “នេះគឺនិយាយអំពីលទ្ធិប្រជាធិបតេយ្យនៃបាល់ទាត់ទូទាំងពិភពលោក” ដែលបានបន្ថែមថា ដំណើរការពិគ្រោះយោបល់បានចាប់ផ្តើមហើយ”។

FIFA កំពុងធ្វើការជាមួយ J.P. Morgan ខណៈពេលដែលវិនិយោគិនដែលមានបំណងរួមមាន Thrive Eternal ដែលបង្កើតឡើងដោយ Joshua Kushner ដែលប្អូនប្រុសរបស់គាត់ឈ្មោះ Jared Kushner ជាកូនប្រសាររបស់ប្រធានាធិបតីអាមេរិក Donald Trump។

គម្រោងនេះត្រូវបានវាយប្រហារភ្លាមៗដោយស្ថាប័នបាល់ទាត់អឺរ៉ុប UEFA។UEFA បាននិយាយនៅក្នុងសេចក្តីថ្លែងការណ៍មួយថា វាមិនមែនជារបស់ FIFA ទេក្នុងការលក់ទេ។ គ្មាននរណាម្នាក់ក្នុងចំណោមពួកយើងជាម្ចាស់បាល់ទាត់។ «ព្រលឹង និងការគ្រប់គ្រងបាល់ទាត់មិនមែនជាទ្រព្យសម្បត្តិសម្រាប់ជួញដូរនោះទេ — ជាពិសេសដោយគ្មានតម្លាភាពថាអ្នកណាទទួលបានប្រាក់ចំណេញផ្នែកហិរញ្ញវត្ថុ។

ទោះជាយ៉ាងណាក៏ដោយ UEFA បាននិយាយថា ខ្លួនបានយកចិត្តទុកដាក់យ៉ាងខ្លាំងចំពោះរបាយការណ៍នៃគម្រោងនេះ ។ ដូច្នេះសមាគមបាល់ទាត់ជាតិទាំងអស់គួរតែធ្វើដូច្នេះដែរ ។ UEFA ដែលមានសមាជិក FIFA ចំនួន ៥៥ ប្រទេស បាននិយាយថារឿងនេះឆ្លងកាត់បន្ទាត់មួយដែលស្ថាប័នគ្រប់គ្រងបាល់ទាត់មិនគួរឆ្លងកាត់ឡើយ៕

ប្រភព៖ AP