Bruno Fernandes បានតាមស្មើកំណត់ត្រាសម្រាប់ការបញ្ជូនបាល់ឲ្យមិត្តរួមក្រុមស៊ុតបញ្ចូលទីច្រើនបំផុតក្នុងមួយរដូវកាលនៅក្នុងលីគកំពូលអង់គ្លេស។ បន្ទាប់ពីបញ្ជូនបាល់ឲ្យ Bryan Mbeumo ស៊ុតបញ្ចូលទីគ្រាប់ទីបីជួយឲ្យក្រុម United ទទួលបានជ័យជម្នះ៣-២ លើក្រុម Nottingham កាលពីថ្ងៃអាទិត្យ បានធ្វេីឲ្យ Fernandes តាមស្មើនឹងកំណត់ត្រាដែលកាន់កាប់រួមគ្នាដោយអតីត Thierry Henry (២០០២-០៣) និង Kevin De Bruyne (២០១៩-២០)ដែលម្នាក់ៗមានចំនួន ២០ដង។
Fernandes បាននិយាយក្រោយការប្រកួតថាយ៉ាងហោចណាស់មនុស្សគ្រប់គ្នាដឹងថាវាសំខាន់ណាស់ដែលខ្ញុំអាចឲ្យមិត្តរួមក្រុមស៊ុតបញ្ចូលទី។ពួកគេបានព្យាយាមគ្រប់យ៉ាងដើម្បីរកគ្រាប់បាល់ពីការបញ្ជូនបាល់របស់ខ្ញុំ។ប្រហែលជាមានពេលខ្លះនៅថ្ងៃនេះដែលខ្ញុំគួរតែបញ្ជូនបាល់ជំនួសឲ្យការស៊ុត។ Fernandes ត្រូវបានអ្នកនិពន្ធបាល់ទាត់បោះឆ្នោតកាលពីសប្តាហ៍មុនជាកីឡាករបាល់ទាត់ល្អបំផុតប្រចាំឆ្នាំនៅប្រទេសអង់គ្លេស។ក្រុម United នៅសល់មួយប្រកួតទៀតក្នុងលីគរដូវកាលនេះ គឺនៅ Brighton ចុងសប្តាហ៍ក្រោយ៕
