យោងតាមការចុះផ្សាយរបស់អ្នកសារព័ត៌មានកីទ្បាដ៏ល្បី Fabrizio Romano បានឱ្យដឹងថា៖ ក្លិប Real Madrid នឹងមិនបន្តកុងត្រាថ្មីដល់ខ្សែការពារ David Alaba ទ្បើយ ខណៈដែលកិច្ចសន្យារបស់ Alaba នឹងអស់សុពភាពនៅខែមិថុនា ឆ្នាំ២០២៦។

មានន័យថា កីទ្បាករអន្តរជាតិអូទ្រីសវ័យ ៣៣ ឆ្នាំរូបនេះនឹងចាកចេញពីកីទ្បដ្ឋាន Santiago Bernabéu នាចុងបញ្ចប់រដូវកាលនេះ។ ជាមួយគ្នានេះដែរ នៅក្នុងរដូវកាលនេះ David Alaba លេងឱ្យ Real Madrid បានតែ ៤ ប្រកួតប៉ុណ្ណោះរាល់គ្រប់កម្មវិធីទាំងអស់ ស្របពេលបច្ចុប្បន្នេះរូបគេក៏សម្រាកព្យាបាលរបួសផងដែរ។

សូមជម្រាបថា យោងតាមទិន្នន័យពី Transfermarkt តម្លៃទីផ្សាររបស់ Alaba ត្រូវបានប៉ាន់ប្រមាណថាមានចំនួន ៤ លានអឺរ៉ូ៕

ប្រភព៖ Fabrizio Romano