(English) ក្លិប Manchester City នឹងបាត់បង់ដ៏សំខាន់គឺកីទ្បាករ Omar Marmoush សម្រាប់ការប្រកួតជាមួយ Manchester United នាថ្ងៃអាទិត្យនេះ បន្ទាប់ពីខ្សែប្រយុទ្ធអេហ្ស៊ីបរូបនេះបានរបួសជង្គង់ អំទ្បុងពេលបំពេញភារកិច្ចជាមួយក្រុមជម្រើសជាតិ។ Omar Marmoush មានវ័យ ២៦ ឆ្នាំរូបនេះបានផ្លាស់ប្តូរចេញនៅនាទីទី០៩ សម្រាប់ការប្រកួតជម្រុះ World Cup ដែលក្រុមជម្រើសជាតិអេហ្ស៊ីប បានត្រឹមស្មើគ្នា 0-0 ជាមួយនឹងក្រុមជម្រើសជាតិប៊ូគីណាហ្វាសូ  ប៉ុណ្ណោះ ក្នុងទីក្រុង Ouagadougou កាលពីថ្ងៃអង្គារ។

ទាក់ទងនឹងបញ្ហាខាងលើនេះក្លិប Manchester City បានបញ្ជាក់ថា៖ ការស្កេនលើកទី ១ នៅក្នុងប្រទេសអេហ្ស៊ីបបង្ហាញថា Marmoush នឹងខកខានការមកលេងជាមួយ Manchester United នៅកីឡដ្ឋាន Etihad នៅថ្ងៃអាទិត្យនេះ។ ក្លិបក៏បានបន្ថែមទៀតថា៖ Marmoush ឥឡូវ​នឹង​ត្រឡប់​ទៅទិក្រុង Manchester វិញហើយ ​ដើម្បី​ទទួល​បាន​ការ​វាយ​តម្លៃ​បន្ថែម​ទៀត និង​ចាប់​ផ្តើម​ការ​ស្តារ​នីតិសម្បទា​របស់​គាត់៕

ប្រភព៖ BBC