Lucas Hernandez កីឡាកតែម្នាក់គត់លើលោក ឈ្នះពាន៦ ពីរដងក្នុងអាជីព ខ្សែការពារ Lucas Hernandez របស់ក្លឹប Paris Saint-Germain និងក្រុមជម្រើសជាតិបារាំង បានបង្កើតប្រវត្តិសាស្ត្រដ៏អស្ចារ្យមួយដោយឈ្នះពានរង្វាន់ចំនួនប្រាំមួយក្នុងអាជីពជាលើកទីពីរ។នេះបើយោងតាមការចេញផ្សាយរបស់គេហទំព័រTribuna កាលពីថ្ងៃព្រហស្បតិ៍ទី ២៥ ធ្នូ ២០២៥។ នៅក្នុងឆ្នាំ 2025 Hernandez បានលើកពានរង្វាន់ធំៗចំនួនប្រាំមួយជាមួយក្លឹប PSG គឺពានរង្វាន់ Trophee des Champions, Ligue 1, Coupe de France, UEFA Champions League, UEFA Super Cup និង Intercontinental Cup – ក្លាយជាកីឡាករដំបូងគេដែលសម្រេចបាននូវសមិទ្ធផលនេះពីរដង បន្ទាប់ពីធ្លាប់ធ្វើបានលើកទី១នៅឆ្នាំ ២០២០ជាមួយក្លឹប Bayern Munich។ Paris Saint-Germain ក៏ជាក្លឹបទី៣ដែលឈ្នះពាន៦ ក្នុងមួយរដូវកាលបន្ទាប់ពីក្លឹបBarcelona (២០០៩)ក្លឹប Bayern (២០២០)និង Paris Saint-Germain(២០២៥)។ ទោះបីមិនមែនជាកីឡាករដែលមានកេរ្តិ៍ឈ្មោះល្បីល្បាញបំផុតក៏ដោយ Hernandez បានបង្ហាញឱ្យឃើញពីគុណភាព និងភាពធន់របស់គាត់ជាប់លាប់នៅលើសមរភូមិវាលស្មៅ។ គាត់បានយកឈ្នះលើរបួសធំៗចំនួនពីរដងក្នុងអាជីពដោយបានវិលត្រឡប់ទៅកាន់ក្រុមកំពូលៗម្តងហើយម្តងទៀត។ ទោះបីជាគាត់មិនមែនជាកីឡាករដែលចាប់ផ្តើមទៀងទាត់នៅក្នុងការប្រកួតធំៗបំផុតរបស់ក្លឹប PSG តែគាត់ បានដើរតួនាទីយ៉ាងសំខាន់ក្នុងភាពជោគជ័យរបស់ក្រុម៕