Neymar Jr បានព្រមព្រៀងតកុងត្រាថ្មីជាមួយនឹងក្លិប Santos ដែលរូបគេលេងតាំងពីក្មេងរយៈពេល ៦ ខែបន្ថែមទៀត ពោលគឺមានសុពភាពរហូតដល់ខែធ្នូ ឆ្នាំ២០២៥។ កីទ្បាករអន្តរជាតិប្រេស៊ីលវ័យ ៣៣ ឆ្នាំរូបនេះបានត្រលប់មកលេងឱ្យក្លិបប្រេស៊ីលវិញ ក្នុងកិច្ចសន្យារយៈពេល ៦ ខែចាប់ពីខែមករា ឆ្នាំ២០២៥ មកម្ល៉េះ បន្ទាប់ពីរូបគេត្រូវបានក្លិប Al-Hilal បញ្ចប់កិច្ចសន្យា។

Neymar រកបាន ១៤១ គ្រាប់ និងបញ្ជូនបាល់ឱ្យមិត្តរួមក្រុម ៦៩ ដង ក្នុងការបង្ហាញខ្លួនឱ្យក្រុម Santos ចំនួន ២៤៣ ប្រកួត។ គួររំឹលកថា Neymar Jr បានចាប់ផ្តើមប្រកបអាជីពបាល់ទាត់មុនគេ គឺលេងឱ្យក្លិប Santos (លីគកំពូលប្រេស៊ីល Serie A) មុនពេលផ្លាស់ទៅលេងនៅដែនដីអឺរ៉ុប ក្នុងក្លិប FC Barcelona របស់ប្រទេសអេស្ប៉ាញ និង Paris Saint Germain របស់ប្រទេសបារាំង៕

ប្រភព៖ BBC