(English) លោក Julen Lopetegui ត្រូវបានតែងតាំងជាគ្រូបង្វឹកក្រុមជម្រើសជាតិកាតា ជាមួយនឹងកិច្ចសន្យាពីរឆ្នាំ។ ជាការពិតណាស់ បុរសសញ្ជាតិអេស្ប៉ាញវ័យ ៥៨ ឆ្នាំរូបនេះបានទំនេរពីការងារអស់រយៈពេល ៤ ខែហើយ បន្ទាប់ពីក្លិប West Ham បញ្ចប់តួនាទី។

ជាមួយនឹងការចូលកាន់តំណែងខាងលើ គោលដៅចំបងរបស់លោក Julen Lopetegui គឺដឹកនាំអតីតម្ចាស់ផ្ទះ World Cup ឆ្នាំ២០២២ ក្នុងការស្វែងរកកៅអីទៅលេង World Cup នាឆ្នាំក្រោយ ដែលសហរដ្ឋអាមេរិក មិចស៊ិក និងកាណាដា ធ្វើជាម្ចាស់ផ្ទះរួមគ្នា។  សូមរំលឹកថា កន្លងមក លោក Julen Lopetegui ក៏ធ្លាប់ដឹកនាំក្រុមជម្រើសជាតិអេស្ប៉ាញ ក្នុងឆ្នាំ២០១៦ ប៉ុន្តែត្រូវបានបណ្តេញចេញពីរថ្ងៃមុនការប្រកួត World Cup ឆ្នាំ២០១៨ នៅប្រទេសរុស្ស៊ី ក៏ព្រោះតែចូលកាន់តំណែងជាគ្រូបង្វឹកនៅក្លិប Real Madrid៕

ប្រភព៖ BBC