(English) Manuel Neuer បានច្រានចោលលទ្ធភាព នៃការលុបចោលការចូលនិវត្តន៍ប្រកួតអន្តរជាតិ និងវិលត្រឡប់មកលេងឲ្យក្រុមជម្រើសជាតិអាល្លឺម៉ង់នៅព្រឹត្តិការណ៍ World Cup ឆ្នាំ២០២៦។ អ្នកចាំទីវ័យ ៣៩ ឆ្នាំរូបនេះបានបញ្ចប់អាជីពអន្តរជាតិរបស់គេ បន្ទាប់ពីព្រឹត្តិការណ៍ Euro ឆ្នាំ២០២៤ ដោយបានជួយអាល្លឺម៉ង់ឡើងដល់វគ្គ ១/៤ ផ្តាច់ព្រ័ត្រ មុនពេលត្រូវអេស្ប៉ាញទម្លាក់ចេញ។ Neuer បានឈ្នះពានរង្វាន់ World Cup ឆ្នាំ២០១៤ ជាមួយអាល្លឺម៉ង់ និងបានបង្ហាញខ្លួនចំនួន ១២៤ លើកក្នុងរយៈពេល ១៥ ឆ្នាំនៃអាជីពរបស់គាត់នៅក្នុងក្រុមជម្រើសជាតិ។ ក្នុងអំឡុងពេលនោះ គេបានគ្រប់គ្រងការមិនឲ្យគូប្រកួតស៊ុតបញ្ចូលទីចំនួន ៥១ ដង និងរបូតគ្រាប់បាល់ចំនួន ១១៨ ដងដោយលេងបាន ១១១០០ នាទីសម្រាប់ប្រទេសរបស់គេ និងឈ្នះ ៨១ ប្រកួតក្នុងចំណោមការប្រកួតទាំងនោះ។ Marc-Andre ter Stegen អ្នកចាំទីក្លិប Girona ត្រូវបានគេរំពឹងថានឹងជាអ្នកស្នងតំណែង Manuel Neuer ប៉ុន្តែគេបានរងរបួសជាបន្តបន្ទាប់ ដែលនាំឱ្យមានការសន្និដ្ឋានថា Neuer នឹងផ្លាស់ប្តូរការសម្រេចចិត្តរបស់គេចូលទីលានវិញ។ នៅពេលសួរថាតើការចូលនិវត្តន៍របស់លោកជាអចិន្ត្រៃយ៍ឬអត់? Neuer បានឆ្លើយថាបាទ។ បន្ទាប់មកគេបានផ្តល់ការគាំទ្រដល់ Oliver Baumann អ្នកចាំទីក្លិប Hoffenheim ដែលបច្ចុប្បន្នជាជម្រើសដំបូងរបស់លោក Julian Nagelsmann។ Neuer បាននិយាយថា៖ គេជាលេខមួយឥឡូវនេះ ហើយគេកំពុងលេងបានល្អណាស់។ Neuer ក៏សូមជូនពរឱ្យគេទទួលបានជោគជ័យទាំងអស់៕