Zinedine Zidane បាន​ឈប់​សម្រាក​ពី​ការងារ​តាំង​ពី​ចាក​ចេញ​ពី Real Madrid ជា​អ្នក​ចាត់​ការ​ជា​លើក​ទី​ពីរ​ក្នុង​ឆ្នាំ 2021។

ក្នុងរយៈពេលប៉ុន្មានសប្តាហ៍ថ្មីៗនេះ គ្រូបង្វឹកសញ្ជាតិបារាំងរូបនេះត្រូវបានផ្សារភ្ជាប់យ៉ាងខ្លាំងជាមួយនឹងការវិលត្រឡប់ទៅកាន់ការងារគ្រូបង្វឹកជាមួយនឹងក្លិប Bayern Munich ដែលត្រូវបានចាត់ទុកថាជាគោលដៅបន្ទាប់ដ៏មានសក្តានុពលរបស់គាត់។

ទោះបីជាយ៉ាងណាក៏ដោយ របាយការណ៍នៅក្នុងប្រទេសបារាំងបានអះអាងថា Zidane នឹងមានបំណងចង់ផ្លាស់ទៅ Man United ជាង Bayern បើទោះបីជាគាត់បានបដិសេធ ការធ្វើការនៅក្នុងក្របខ័ណ្ឌ Premier League នាពេលកន្លងមកក៏ដោយ។

តំណែងរបស់ Erik ten Hag នៅ Old Trafford ត្រូវបានគេជឿថាស្ថិតនៅក្រោមការគំរាមកំហែងដោយសារតែគាត់​ដឹកនាំមិន​នឹង​នរ ម្ដង​លិច​ម្ដង​អណ្ដែត មិន​ច្បាស់​លាស់ ។ គ្រូបង្វឹកសញ្ជាតិហូឡង់អាចចាកចេញពីក្លិបនៅចុងបញ្ចប់នៃរដូវកាលនេះ ខណៈដែលគ្រូបង្វឹកសញ្ជាតិបារាំងលោក Zidane ជាអ្នកមក​អង្គុយកៅអីគ្រូបង្វឹកជំនួសដ៏មានសក្តានុពល។