ខ្សែប្រយុទ្ធឆ្នើមរបស់ក្រុម Manchester City កីឡាករ Erling Haaland បានបង្ហើបថាគាត់ញ៉ាំសាច់ច្រើនដើម្បីរក្សាទម្រង់លេងរបស់គាត់ក្នុងកម្រិតដ៏ល្អប្រសើរ មុនពេលចូលទៅប្រកួតពិតប្រាកដ។
កីឡាករវ័យ 22 ឆ្នាំបានរក្សាភាពមុតស្រួចរបស់គាត់ដើម្បីបន្តបំបែកកំណត់ត្រាស៊ុតបញ្ចូលទីនៅ Premier League ។ កំណត់ត្រារកគ្រាប់បាល់មួយរដូវកាលរបស់គាត់លើសកំណត់ត្រាស៊ុតបញ្ចូលទីក្នុងរដូវកាល Premier League របស់អង់គ្លេសដែលកាន់កាប់ដោយ Alan Shearer និង Andy Cole (៣៤ គ្រាប់) ដោយស៊ុតបញ្ចូលទី ៣៦ គ្រាប់ក្នុង ៣៣ ប្រកួត។
គ្រាប់បាល់សរុបចំនួន 52 ត្រូវបានស៊ុតបញ្ចូលក្នុងការប្រកួតទាំងអស់ រួមទាំងគ្រាប់បាល់ចំនួន 5 គ្រាប់ក្នុងការប្រកួតមួយ និង Hat-trick ៥លើក។ ដើម្បីរក្សាកម្រិតកាយសម្បទារបស់គាត់ Haaland បាននិយាយថាគាត់ញ៉ាំសាច់គោបេះដូង និងថ្លើម ទឹកដោះគោ និងគុយទាវសសៃធំក្នុងរបបអាហារប្រចាំថ្ងៃរបស់គាត់។
Footballer Erling Haaland fuels up on 6,000 calories a day, including cow heart and liver, and packs in some pretty crazy workouts too pic.twitter.com/PRoZyGLVex
— Men’s Health UK (@MensHealthUK) December 17, 2022
ការផ្គត់ផ្គង់ទឹកដោះគោរបស់ Haaland បានមកពីឪពុករបស់គាត់ឈ្មោះ Alfie ដែលមានកសិដ្ឋានចិញ្ចឹមគោផ្ទាល់ខ្លួននៅប្រទេសន័រវេស។ Haaland និយាយថា៖
«មនុស្សនិយាយថាសាច់មិនល្អសម្រាប់អ្នក ប៉ុន្តែតើមួយណា? សាច់នៅ McDonald’s? ឬសាច់ក្នុងស្រុក? ខ្ញុំញ៉ាំបេះដូង និងថ្លើមរាល់ថ្ងៃ»។
Haaland ញ៉ាំប្រហែល 6,000 កាឡូរីក្នុងមួយថ្ងៃ ដើម្បីរក្សារាងកាយរបស់គាត់ឱ្យស្ថិតក្នុងស្ថានភាពកំពូល ហើយសម្រាប់អ្នកអាហារូបត្ថម្ភជាច្រើន នេះគឺជារឿងធម្មតាទេដោយសារកម្ពស់ និងទម្ងន់របស់កីឡាករ។
Andrea Buceta អ្នកឯកទេសអាហារូបត្ថម្ភកីឡាបាននិយាយថា ៖«នោះគ្រាន់តែជារបបអាហាររបស់មនុស្សចាស់ ដែលជីតា និងឪពុកម្តាយរបស់យើងបានចិញ្ចឹម ហើយការញ៉ាំថ្លើមគោ និងបេះដូងគោ ដើម្បីជៀសវាងភាពស្លេកស្លាំង ព្រោះវាសម្បូរជាតិដែក»។
Haaland បានបន្តពន្យល់ថា គាត់ឧស្សាហ៍ដេកហាលថ្ងៃនៅពេលព្រឹក។
«រឿងដំបូងដែលខ្ញុំធ្វើនៅពេលព្រឹក គឺត្រូវពន្លឺថ្ងៃនៅក្នុងភ្នែករបស់ខ្ញុំ។ ខ្ញុំក៏ចាប់ផ្តើមផឹកទឹកចម្រោះ។ ខ្ញុំគិតថា វាអាចមានប្រយោជន៍ច្រើនដល់រាងកាយរបស់ខ្ញុំ»។
សមត្ថភាពស៊ុតបញ្ចូលទីរបស់ Erling Haaland បានជួយ Manchester City ឈ្នះពាន English Premier League នៅរដូវកាលនេះ។ ឥឡូវនេះគាត់ផ្តោតលើការជួយ City ឈ្នះពានរង្វាន់បី។ Man City នឹងត្រូវជួប Manchester United នៅវគ្គផ្តាច់ព្រ័ត្រ FA Cup និង Inter Milan ក្នុងវគ្គផ្តាច់ព្រ័ត្រ Champions League នៅខែក្រោយ។
