(English) ការស៊ុតបញ្ចូលទីបាន ២ គ្រាប់​​​ក្នុងការប្រកួត Champions League កាលពីរាត្រីថ្ងៃពុធជួយឲ្យក្រុម Real Madrid យកឈ្នះ Monaco អតីតក្លិបរបស់ខ្លួនដោយលទ្ធផល ៦-១ បាន​ធ្វើ​ឲ្យ ​Kylian Mbappe តាម​ស្មើ​កំណត់ត្រា ​Ronaldo សម្រាប់​គ្រាប់​បាល់​ច្រើន​បំផុត​ក្នុង​ការ​ប្រកួត​ចំនួន ៦ លើក​ក្នុង​វគ្គ​ចែកពូល។  Cristiano Ronaldo ធ្លាប់​រក​បាន១១គ្រាប់​ក្នុង​ការ​ប្រកួត​វគ្គ​ចែក​ពូល​ចំនួន ៦លើក​ក្នុង​រដូវ​កាល ២០១៥-១៦ និងគ្រាប់បាល់សរុបមួយរដូវកាល ១៦ គ្រាប់​ដែល​បាន​ជួយ Real Madrid លើក​ពាន។

ទោះយ៉ាងណាក៏ដោយ Mbappe នៅ​តែ​មិន​ទាន់​អាចបំបែក​កំណត់ត្រា​​គ្រាប់​បាល់​ក្នុង​យុទ្ធនាការ Champions League មួយរដូវកាល​​របស់ Ronaldo បានដែរ។ ខ្សែ​ប្រយុទ្ធ​ព័រទុយហ្គាល់​រូប​នេះ​រក​បាន១៧ គ្រាប់​ក្នុង​ឆ្នាំ២០១៣-១៤នៅ​ពេល​ដែល Los Blancos ត្រូវ​បាន​គ្រង​តំណែង​ជា​ម្ចាស់​ជើង​ឯក​អឺរ៉ុប​ម្តង​ទៀត។

ហេតុអ្វី Mbappé សុំទោស Monaco? ទោះបីជា Mbappé រីករាយក្នុងការស៊ុតបញ្ចូលទីឱ្យក្រុមរបស់គាត់ និងតាមស្មើកំណត់ត្រា Ronaldo ក៏ដោយ គេក៏បានគិតគូរពី Monaco អតីតជាក្លិបដែលគាត់បានចាប់ផ្តើមអាជីពតាំងពីក្មេងជំទង់។ បន្ទាប់ពីស៊ុតបញ្ចូលទី Mbappé បានធ្វើកាយវិការទៅកាន់អ្នកគាំទ្រ Monaco ហាក់ដូចជាសុំការអភ័យទោស និងបង្ហាញថាគាត់នៅតែមានសេចក្តីស្រឡាញ់យ៉ាងខ្លាំងចំពោះក្រុមម្ចាស់ជើងឯក។

គួរំឭកថាចន្លោះខែធ្នូ ឆ្នាំ២០១៥ និងខែឧសភា ឆ្នាំ ២០១៧ Mbappé ស៊ុតបញ្ចូលទីបាន ២៧ គ្រាប់ក្នុងការបង្ហាញខ្លួន ៦០ លើកសម្រាប់ Monaco ដោយជួយពួកគេឈ្នះពានរង្វាន់ Ligue 1 ក្នុងឆ្នាំ ២០១៦-១៧ នាំមុខ Paris Saint-Germain ដែលគេបានចូលរួមជាមួយនៅរដូវក្តៅបន្ទាប់៕