(English) តុលាការការងារទីក្រុងប៉ារីសបានសម្រេចថាក្លិប Paris Saint Germain ត្រូវតែបង់ប្រាក់ជាង៧០ លានដុល្លារដល់ Kylian Mbappé ក្នុងជម្លោះប្រាក់ឈ្នួល និងប្រាក់រង្វាន់ដែលមិនទាន់បានគិតគូឲ្យដែលជាប់ទាក់ទងនឹងការបញ្ចប់កិច្ចសន្យារបស់តារាបាល់ទាត់បារាំងរូបនេះនៅឆ្នាំ២០២៤។ មេធាវីបានជជែកវែកញែកកាលពីខែមុននៅចំពោះមុខតុលាការក្នុងការតស៊ូតាមផ្លូវច្បាប់ដែលពាក់ព័ន្ធនឹងចំនួនទឹកប្រាក់ដ៏ច្រើន។ កាលពីថ្ងៃអង្គារ តុលាការបានគាំទ្រ Mbappé ចំពេលមានការចោទប្រកាន់ពីបទក្បត់ទំនុកចិត្ត និងការយាយីខាងសីលធម៌បែកបាក់ទំនាក់ទំនងរបស់គាត់ជាមួយ PSG។

ការសម្រេចចិត្តរបស់តុលាការនេះត្រូវគ្នាទៅនឹងការទាមទារដំបូងរបស់ Mbappé ចំនួនជាង​៦៥លានដុល្លារ។ លោកស្រី Delphine Verheyden មេធាវីរបស់ Mbappé បាននិយាយថា វាមានរយៈពេល១៨ ខែហើយដែល Kylian Mbappé បានស្នើសុំទូទាត់ប្រាក់ឈ្នួល ប្រាក់រង្វាន់របស់គាត់ សម្រាប់ការងារដែលគាត់បានអនុវត្ត។ “ខ្ញុំប្រាកដថាគាត់នឹងសប្បាយចិត្តក្នុងការបញ្ចប់ជំពូកនេះ ព្រោះវាមានសារៈសំខាន់ខ្លាំងណាស់សម្រាប់គាត់ក្នុងការទទួលបានប្រាក់ឈ្នួលសម្រាប់ការងារដែលគាត់បានធ្វើ ខណៈពេលកំពុងលេងឱ្យ PSG។

កាលពីខែវិច្ឆិកា មេធាវីរបស់គាត់បានអះអាងថា PSG ជំពាក់គាត់ជាង៣០០លានដុល្លារ ដោយអះអាងថាកិច្ចសន្យារយៈពេលកំណត់របស់គាត់គួរតែត្រូវបានចាត់ថ្នាក់ឡើងវិញជាកិច្ចសន្យាអចិន្ត្រៃយ៍ តែត្រូវបានចៅក្រមបដិសេធ។ ការដាក់ចំណាត់ថ្នាក់ឡើងវិញបែបនេះអាចបង្កឱ្យមានសំណងសម្រាប់ការបណ្តេញចេញដោយអយុត្តិធម៌ ប្រាក់ឈ្នួលដែលមិនទាន់បានបង់ ប្រាក់រង្វាន់ និងការបញ្ឈប់ពីការងារ៕